Page 105 - Тыыннаахтар олох олорор аналлаахатр

Анастасия Еремеевна Гоголева кэргэнэ Гоголев Василий
Лукич Хаҥаласка Хачыкаат суолун оҥорууга үлэлии сыл-
дьан, оҕолорун, кэргэнин корсүбэккэ даҕаны, 1942 сыллаах-
ха армияҕа барбыта. Кини уоттаах сэриигэ ыараханнык
бааһыран, инбэлиит буолан 1944 сыллаахха дойдутугар эр-
гиллибитэ уонна 1945 с. күһүн өлбүтэ.
Гоголевтар биэс оҕолоохторо. Василий Лукич өлүөн эрэ
иннинэ улахан уолун Ваняны абаҕатыгар Иннокентий Го-
голевтаахха иитэллэригэр кэриэһин этэн өлбүтэ. Онон Ваня
абаҕатын аахха иитиэххэ барбыта да, өр олорботоҕо. Абаҕата
Иннокентий, саҥаһа Фекла Илларионова сэриигэ барбыт
тумус туттар уоллара өлөн, онтон доруобуйалара эмсэҕэлээн
утуу-субуу өлбүттэрэ. Онон Ваня иккиһин тулаайах хаалан,
ийэтигэр Анастасия Еремеевнаҕа төннөн кэлэн, интернат
көмөтүнэн үөрэнэн оскуоланы бүтэрбитэ. Иван Васильевич
эмчит идэтин ылан Дьокуускайга санэпидстанцияҕа кылаа-
бынай бырааһынан үлэлии олорон пенсияҕа тахсыбыта, хас
да оҕолоох.
Анастасия Еремеевна улахан кыыһа Елизавета Васильев-
на идэтинэн медсестра. Нам улууһугар олохсуйан, кэргэннэ-
нэн Герой ийэ үрдүк аатын сүкпүтэ. Элбэх кийииттэнэн,
күтүөттэнэн, үгүс сиэннээх эбээ буолан ньир-бааччы олорор.
Орто кыыс эмиэ Елизавета диэн үрдүк үорэхтээх ветврач
идэлээх. Үлэлии сылдьан тымныйан, онтон сыыстаран ин-
бэлиит буолбута.
Ийэтин аатын ылбыт аччыгый кыыс Анастасия эмиэ
медсестра идэлээх. Кэргэннэнэн, хас да оҕолоох.
Анастасия Еремеевна аччыгый уола Лазарь идэтинэн
физкультура учуутала этэ. Тустуунан дьарыктанан оройуо-
нун чиэһин араас түһүлгэлэргэ хаста да көмүскээбитэ, эдэр
сааһыгар өлбүтэ. Кэргэнэ, оҕолоро Өлтөх Арыылааҕар оло-
роллор.
Уоттаах сэрии буойунун огдообото Анастасия Еремеевна
сэрии уонна сут сылларыгар үгүс ыарахаттары көрсүбүтэ.
Биэс оҕолоох аҥаардас дьахтар оҕолорун иитэр кыһалҕатыгар
колхозка кыаҕын таһынан да үлэлиирэ. Онон аҕаларынан
кэлэр кыра пенсия уонна интернат дьиэ көмөтүнэн оҕолорун
иитэлээн, үөрэхтээн ыал оҥортообута. Анастасия Еремеев-
на кыра кээмэйдээх пенсияҕа тахсан баран, саамай таптыыр
сиэнинээн Мишалыын олорбута. Кини Мишатын кыра эр-
дэҕиттэн бэйэтэ көрбүт буолан олус таптыыра, астынара.