Page 104 - Тыыннаахтар олох олорор аналлаахатр

Ол иһин этэн эрдэхтэрэ: «Киһи оҕотун, дьонун-сэргэтин
дууһатыгар өрүү тыыннаах сылдьар», — диэн.

С.С.Никифоров,
сэрии тулаайаҕа, Хомустаах бөһүөлэгэ

Феврония Петровна Попова сааһырбыт оҕонньордоох
эмээхсин соҕотох кыыстара этэ. Хобороос кыыс Томтор ос-
куолатын төрдүс кылааһын үөрэнэн бүтэрэн баран дьоно
кыаллыбат буоланнар салгыы үөрэммэтэҕэ. Аҕалара Бөтү-
рүүҥкэ арҕах сөтөллөөҕө, онон сытар-турар икки ардынан
нэһиилэ сылдьара. Ийэлэрэ Маарыйа хараҕынан нэһиилэ
сирдэтинэр буолан, хотонун да кыайан көрбөт этэ. Онон
дьоно сүбэлэһэн баран, Хоборооһу 1937 сыллаахха суорум-
ньунан Петуховтар улахан уолларыгар Охонооһойго эргэ
биэрбиттэрэ. Эһиилгитигэр эдэр ыал кыыстаммыттара.
Мотрена Афанасьевна Дягилева билигин Нам оройуонун 2-с
Хомустааҕар олохсуйан олорор, сэттэ оҕолоох, уон үс сиэн-
нээх. Кини эдэригэр Өрөспүүбүлүкэҕэ тиийэ биллэр-көстөр
ыанньыксыт этэ. Петуховтар иккис оҕолоро 1940 сыллаахха
уол оҕо буолан олуһун үөрбүттэрэ. Дмитрий Афанасьевич
бэйэтин төрөөбүт оройуонугар тутуу учаастагар начальнигы-
нан уонна прорабынан үлэлээбитэ. Кэргэнинээн Светлана
Дмитриевналыын үс кыыс, биир уол оҕону төрөппүттэрэ.
Ити эрээри Хобороостоох Хонооһой уһуннук ыал буо-
лан олорботохторо. Петухов Афанасий Семенович сэрии
бастакы сылыгар ыҥырыллыбыт. Кини уоттаах сэриигэ
сылдьан 1944 сыл (1943...) кулун тутар 3 күнүгэр Львов-
скай уобалас Брудовскай оройуонугар Заболцы дэриэбинэ
иһин кыргыһыыга хорсуннар өлүүлэринэн өлөн ити дэриэ-
бинэ таһыгар көмүллүбүтүн туһунан биллэрии кэргэнигэр
Ф.П.Попова-Петуховаҕа кэлбит. Феврония Петровна хас
да сыл соҕотоҕун сылдьан баран, 1947 сыллаахха армияттан
кэлбит Олесов Прокопий Дмитрьевичкэ кэргэн тахсыбыта.
Киниттэн уол уонна кыыс оҕолоох. Уола Илья үрдүк үөрэх-
тээх зоотехник идэлээх, кэргэннээх, икки оҕолоох. Маруся
эмиэ үрдүк үөрэхтээх товаровед, Верхоянскай оройуонугар
олорор, кэргэннээх, оҕолоох.
Хобороос эдэр эрдэҕиттэн колхуос бары үлэтигэр үтүө
суобастаахтык үлэлээбитэ. Ол курдук ыанньыксыттыы сыл-
дьан тымныйан ыалдьан баран, аанньа эмтэммэккэ 1960
сыллаахха сырдык тыына быстыбыта.