Page 27 - Афанасий Алексеев Ытык иэс

лиирэ. Туттуута бытаан эрэ. Үөрэҕэ суоҕа. Кэргэннэммэтэҕэ. 1942
сыллаахха бэс ыйын 27 кунүгэр Чурапчы военкоматьшан ыҥырыл-
лан, «Дьаам дьиэтиттэн», «Кыһыл Союзтан» армияҕа барбыта. Зва-
ниета — рядовой. Челябинскай куоракка тутууга үлэлии сылдьан,
ис тиибэр ыалдьан, 1943 сыллаахха өлбүтэ.
31. Слепцов Гаврил Григорьевич 1909 сыллаахха «Силигигэ»
«Кыһыл Союзка» Түүлээх нэһилиэгэр төрөөбүтэ. Кыра уҥуохтаах,
бэйэтигэр сөп эттээх, хара бараан киһи. Лг.кбезкэ үөрэммитэ. . Хо-
нууга үлэлээбитэ. Кэргэннэммэтэҕэ. 1941 сы.тлаахха атырдьах ыйын
15 күнүгэр Чурапчы военкоматынан ыҥырыллан, «Еааһынай өтө-
ҕүттэн» «Кыһыл Союзтан» армияҕа барбыта. Мальтаҕа сборга сыл-
дьыбыта. Званиета — рядовой. 1941 сыллаахха ахсынньы 22 кү-
нүттэн Москва анныгар Наро-Фоминскай туһаайыытынан биир дой-
дулаахтара Сыроватскай Николай Егоровиһы, Слепцов Констаитин
Прокопьевиһы кытта сэриигэ бииргэ киирбиттэрэ. Слепцов К. П.,
Сыроватскай Н. Е. бу сэриилэһииттэн бааһыран, туораабыттара.
Слепцов Гаврил Григорьевич биир дойдулааҕын Сыроватскай Н. Е.
бааһырбытын булан, санитардары кытары санчаас.ка тиэрдиһэн биэр-
битэ. Быраһаайдаһалларыгар көннөрү илии тутусиуттара. Биир дой-
дулаахтарын кэнниттэн Слепцов Г. Г. ыйтан ордук сэриилэспитин
кэннэ, ордуос командира буруйа суох кнһини бэрт кыраттан кыы-
һыран, ытан кэбиспитэ. Ханна көмүллүбүтэ, өлбүт күнэ-дьыла чуол-
кай биллибэт.
32. Слепцов Дмитрий Федорович 1902 сыллаахха Дьааҥы оро-
йуонугар төрөөбүтэ. Дьааҥы оройуонуттан кэлэн, «Кыһыл Союз»
колхозка киирбитэ, олохсуйбута. Орто уҥуохтааҕа. Хатьнгыр, хара
бараан дьүһүннээх, уҥуох сирэйдээх киһи этэ. Ааттаах ытааччы,
булчут. Дьааҥылыы таттаран саҥарара. Үөрэҕэ суоҕа. Колхозка
сайынын. кыһынын эргиччи Дьааҥы дьаамын атынан, табанан сүүр-
дэрэ. Иккитэ кэргэннэммитэ да, оҕото суох. 1942 сыллаахха бэс
ыйын 27 күнүгэр Чурапчы военкоматынан ыҥырыллан, «Дьаам
дьиэтиттэн» «Кыһыл Союзтан» армияҕа барбыта. Үөрэҕэ суох буо-
лан, ханна сэриилэспитэ, өлбүтэ биллибэт. Сураҕа суох сүппүтэ.

25