Page 29 - Афанасий Алексеев Ытык иэс

36. Стрекаловскай Алексей Алексеевич 1912 сыллаахха «Ар-
Ваа сайылыкка» Хаттыгыга Түүлээх нэһилиэгэр төрөөбүтэ. Орто
уҥуохтаах, бэйэтигэр сөп эттээх, сырдык хааннаах, кылгас синньи-
гэс сүүстээх, сыыйыллаҕас муруннаах киһи. Тир-тар курдук өһүргэс
майгылааҕа. Кэпсээннээх-ипсээннээх киһи этэ. Түүлээх оскуолатын
түөрт кылааһын бүтэрбитэ. Алта ыйдаах землеустроитель курсугар
үөрэммитэ. 1935, 1936 сылларга биир дойдулаахтара Сыроватскай
Николай Егоровичтыын, Петухов Егор Алексеевичтыын I, II Лөгөй-
дөргө, Курбуһахха үлэлээбиттэрэ. Землеустроителинэн үлэлии сыл-
дьан, Нам оройуонуттан 1941 сыллаахха сэриигэ барбыта. 89-с гвар-
дейскай сд.. 267-с гвардейскай сп гвардия рядовойа. 1943 сыллаах-
ха атырдьах ыйын 5 күнүгэр Белгород куорат хоту эҥэригэр Кур-
скай уобаласка өлбүтэ.

37. Стрекаловскай Егор Федотович 1907 сыллаахха «Суут бү-
тэйгэ» Хаттыгыга Түүлээх нэһилиэгэр төрөөбүтэ. Уҥуоҕунан ула-
хан, ыраас хааннаах, сырдык уоттаах харахтаах киһи этэ. Ликбезкэ
үөрэммитэ. Хонууга үлэлээбитэ. Колхоһугар ревкомиссияҕа предсе-
дателлээбитэ, атыылааччылаабыта. 1942 сыллаахха бэс ыйын 27
күнүгэр Чурапчы военкоматынан ыҥырыллан, «Тоокоттон» Хатты-
гыттан армияҕа барбыта. Барарыгар кэргэнэ ыарахан хаалбыта.
Уол оҕо төрөөн, кыратыгар өлбүтэ. Званиета — рядовой. Иһинэн
ыалдьан, Кировскай уобалас Просница станциятын госпиталыгар
сыппыта. Өлбүт биллэриитэ кимиэхэ кэлбитэ чуолкайа биллибэт.
Стрекаловскай Егор Федотович дьонугар суруйбут бүтэһик су-
ругар: «Иван, Анна, Байбал, Варвара уонна оҕолор, бука бары до-
рооболоруҥ! Дьэ, хайдах олороҕут? Доруобуйаҕыт хайдаҕый? От-
бурдук, өҥ-тот хайдаҕый? Оҕолор төһө бэркэ сылдьаллар? Үөрэнэл-
лэр дуо? Мин Кировскай уобаласка госпитальга эмкэ сытабын. Үчү-
гэй буолан эрэбин. Атахпынан босхо хаамар буоллум. Туох да олус
уһуннук сытан, туох да күүс-сэниэ суох. Ол да буоллар, үчүгэй
буоллум. Сотору барар сирбэр барарым буолуо. Манан бука сурук
27