Page 30 - Афанасий Алексеев Ытык иэс

да ыытар биллибэт. Дэҥ тиийдэҕинэ, бэйэм тиийбитим курдук,
көрөөрүҥ. Саха аатын биири да билбэппин. Соҕотоҕун, кус оҕотун
К УРДУК, мунан хааллым. Дьэ, кэһиигитин сэлиэһинэй алаадьытын
уураарыҥ. Мин кэһиибин бараммат элбэх кэпсээни илдьиэм. Дьэ,
хаһан тиийиэххэ дыаы. Үчүгэйдик байан-тайан олоруҥ. Өр бириэмэҕэ
дылы быраһаайдарыҥ. Сэрии хаһан бүтэр да, дьиэбэр тиийиэм.
Таарыйа хонон-өрөөн ааһыам. Суруйдум эһи уолгут. 1943 сыл, от
ыйын 24 күнэ» диэбит.

38. Стрекаловскай Иннокентий Васильевич 1917 сыллаахха
«Арҕаа сайылыкка» Хаттыгыга Түүлээх нэһилиэгэр төрөөбүтэ. Төр-
дүһү бүтэрбитэ. Курбуу курдук бэйэтигэр сөрү-сөп эттээх-сииннээх,
улахан уҥуохтаах, ыраас хааннаах, саһархай баттахтаах, кыраһыа-
бай киһи этэ. Оччолорго аҕатыгар соҕотох уол этэ. Комсомоллаах.
Хонууга үлэлээбитэ. Убайа Стрекаловскай Алексей Алексеевич Нам-
ҥа үлэлэтиэм диэн илдьэ баран, иккиэн Нам оройуонуттан армияҕа
барбыттара. Званиета — рядовой. 1943 сыллаахха алтынньыга сэ-
риигэ өлбүтэ. Көмүллүбүт сирэ биллибэт.

28