Page 98 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
сүбүтүм. Онуоха Иван Михайлович көмөлөһөн, үлэбин этэҥҥэ саҕа-
лаабытым. Кэлин 1986 сыллаахха оройуоҥҥа спорткэмитиэт бэрэс-
сэдээтэлинэн ананан үлэлиирбэр, Иван Михайловиһы спорт оскуола
дириэктэринэн анаабыттара, онон учууталбын кытта бииргэ үлэлээн
турардаахпын. Иван Михайлович киһи быһыытынан холкута, лоп
бааччыта, ылыннарыылааҕа, тренердэри кытта аһаҕастык, кырдьык-
тааҕынан итэҕэһи-быһаҕаһы этэн туран, ону туоратарга бэйэтин са-
наатын үллэстэрэ уонна кытаанахтык ирдиирэ. Кини ити хаачысты-
балара биһигини элбэххэ үөрэппиттэрэ.
Учууталбыт Дүпсүн оскуолатыгар үөрэппит оҕолоро спорт араас
көрүҥнэригэр биллэр-көстөр спортсменнар буола үүммүттэрэ. Өссө
оскуолаҕа үөрэнэ сылдьан Ваня Босиков, Коля Сивцев, Валера Та­
таринов «Урожай» ДСО уобаластааҕы Сэбиэтин күрэхтэһиитигэр
гиирэни анньыыга миэстэлэһэн, бастакы ситиһиилэри аҕалбыттара.
Тустууга Коля Гаврильев республика, Сибиир уонна Уһук Илин чем­
пиона буолар. Онтон Россия түһүлгэтигэр Валера Татаринов - при­
зер, Кеша Сивцев оскуоланы бүтэрэр сылыгар «Урожай» күрэхтэһии-
тигэр кылыыга бастаан Саха АССР спордун маастара буолбуттара.
Атаҕынан сүүрүүгэ Роза Аржакова, Кеша Сивцев, Маша Федорова -
«Кыым» хаһыат эстафетатын кыайыылаахтара, хайыһарга Аля Корни­
лова, Мотя Соловьева, Сеня Алексеев республикаҕа миэстэлэһэллэр.
Кэлин Гоша Корнилов - Россияҕа «Урожай» ДСО тустууга призера,
Баһылай Манчаары спартакиадатыгар атах оонньуутун кыайыыла-
аҕа, Саха АССР спордун маастара буолбута. Ваня Румянцев Баһылай
Манчаары спартакиадатын кыайыылааҕа, Саха АССР, РСФСР спор­
дун маастардара буола үүммүттэрэ. Күүстээх маастар Иван Охлопков
тустууга бүтүн Советскай Сойууска төрдүс буолары ситиспитэ.
Биһиги кылаас оҕолоро: уолаттар С. Алексеев, В. Прибылых, К.
Румянцев, В. Сыроватскай, В. Охлопков, К. Гаврильев, кыргыттар
А. Корнилова, М. Федорова, Е. Попова, С. Соловьева, В. Кулички-
на туризмҥа оройуоҥҥа, республикаҕа бастааннар, Россияҕа тиийэ
күрэхтэһэ сылдьыбыттара.
Уолаттартан Сеня Алексеевпыт олус дэгиттэр сайдыылаах, спор­
ка дьоҕурдаах этэ. Ол курдук баскетболист, волейболист, теннисист
бэрдэ, күүстээх хайыһардьыт, атах оонньуутугар хаалсыбат, аны аат-
таах ырыаһыт, баянист буолан үөрдэрэ. Дьэ, ити курдук Иван Ми­
хайлович Дүпсүҥҥэ үлэлээбит сылларыгар олус элбэх оҕо дьоҕурун
арыйан, олоххо миэстэлэрин булалларыгар киэҥ суолу тэлбит ула-
хан үтүөлээх учууталбыт буолар.