Page 97 - Улуус спордун үйэтиппит учуутал, тренер. Иван Жирков

Кылабыыһа сыырын тахсаат даҕаны, 200 миэтэрэ курдугунан
холобурдаах сиргэ финиш буолуохтаах. Мин кылабыыһа сыырын
тахсаат, түһүү сыырга кэлиибэр учууталым ситэн кэллэ. «Лыжню»
диир саҥатын истээт, суолу биэрдим да, Иван Михайлович «сыр»
гыннаран ааһан хаалла. Мин сыыртан анньынан кэбистим уонна
биэтэккэ диэри тилэх баттаһан кэлэн, дистанциябын түмүктээтим.
Хотторбуппуттан олус хомойон, кими да кытта кэпсэппэккэ, хайы-
һарбын уһуллум да интэринээппэр бардым. Онтон дьэ холкутуйан,
«кыайыахтаах киһи кыайдаҕа дии» диэн бэйэбин уоскутуна санаан
ороммор сытан сынньанан ыллым. Сотору уолаттарым тилигирэһэн
кэлбиттэрэ эрээри, ким да кыайтарыы туһунан ахтыбатахтарыт-
тан, испэр кинилэргэ махтана санаабытым. Аҕыйах хонугунан Бо-
роҕоҥҥо күрэхтэһэ барбыппыт, онно хамаанданан үһүс буолбуппут.
Ити кэннэ мин хайыһарга оскуола хамаандатыгар киирбэтэҕим,
Өнөртөн хайыһарга үчүгэйдик сүүрэр уолаттар үөрэнэ кэлбиттэрэ,
Коля Лукачевскайдаах уо.д.а. Ол эрээри мин кыралаан хайыһардыы-
рым. Биһигиттэн Сеня сүүмэрдэммит хамаандаҕа киирэн, куоракка
тиийэ кыттан, эстафетаҕа үһүс миэстэ буолбуттара.
Онус кылааһы бүтэрэрбитигэр аны 11-с кылаас оҥороннор,
Дүпсүҥҥэ үһүс сылбытын үөрэнэр буоллубут. Ол гынан баран, 1945
сыллаах төрүөхтэри оройуон күрэхтэһиитигэр кыттыннарбатылар. Саас
хайыһарга миигин сопхуос хамаандатыгар дириэктэр Иван Васильевич
Бурнашев ылбыта. Бороҕоҥҥо киирэн күрэхтэһэн турардаахпын.
Дүпсүҥҥэ үөрэммит үс сылбар хайыһардыыры бырахпатаҕым.
Арааһа, ол көмөлөстөҕө буолуо: 1973 сыл сааһыгар Хабаровскай-
га бастакы кууруска үөрэнэ сылдьан, куораттан чугас «Салоники»
диэн спортивнай лааҕырга үс нэдиэлэлээх үөрэх кэнниттэн, зачет
кэмигэр 10 км сүүрүүгэ 36 мүнүүтэнэн кэлэн бастаабытым уонна 1
разряд нуорматын толорбутум. Кэлин бу тус ситиһиибэр махталбын
учууталбар Иван Михайловичка этэн турардаахпын.
Бороҕоҥҥо 1974 сыллаахха «Урожай» ДСО уобаластааҕы Сэбиэ-
тин хайыһарга күрэхтэһиитэ буолбута. Онно Иван Михайлович 34
сааһыгар эдэрдэри кытта эрийсэн күрэхтэспитэ. Ол саас үөрэнээч-
читэ Проня Харитонов чемпионнаабыта.
Мин 1974 сыл күһүнүгэр үөрэхпин бүтэрэн, Бороҕоннооҕу спор­
тивнай оскуолаҕа чэпчэки атлетика тренеринэн үлэбин саҕалаабы-
тым. Учууталым Иван Михайлович Мүрү аҕыс кылаастаах оскуола-
тыгар үлэлиирэ. Мин байыаннай усбуорга сылдьан, хойутааммын,
дьарыктыыр бөлөхпөр оҕолору сүүмэрдиирбэр ыарахаттары көр-