Page 99 - Улуус спордун үйэтиппит учуутал, тренер. Иван Жирков

Иван Михайлович физкультурнай хамсааһын үбүлүөйдээх сылы-
гар анаан «Уус Алдан чулуу спортсменнара (ХХ-с үйэҕэ)» диэн ки-
нигэни таһааран, бэтэрээн спортсменнар сүргэбит көтөҕүллэн аҕай
сылдьыбыппыт. Ону баара, кэлиҥҥи кэмҥэ спорка көрдөрүүлэр-
бит ахсаан, мөлтөөн, санаабыт түһэн, улууспут спорда сайдыыты-
гар хайдах эрэ сүбэ-ама буолар сыаллаах Уус Алдантан төрүттээх
Дьокуускай куоракка олорор спорт бэтэрээннэрин түмсүүтүн тэ-
риммиппит. Түмсүү чилиэнэ А.Н. Максимов биир дойдулаахпыт,
биллиилээх салайааччы Николай Николаевич Тарскай аатын «Туй-
маада» стадиоҥҥа иҥэрэр туһунан республика хаһыатыгар ыҥырыы
суруйбута. Ону 60-70 сылларга республика спордун салайбыт С.И.
Алексеев, А.Е. Алексеев, С.С. Жирков уо.д.а. өйөөннөр, оччолорго
республикабыт Ил Түмэнин бэрэссэдээтэлэ А.Н. Жирков быһаччы
көмөтүнэн «Туймаада» стадионҥа Н.Н. Тарскай аата иҥэриллибитэ.
Ону тэҥэ, Курбуһах нэһилиэгин Окоемовка учаастагын спортивнай
саалата күүстээх кылыыһыт, Саха АССР спордун маастара П.П.
Местников аатын сүкпүтэ. Уонна бу түмсүүбүт үлэтин биир сүрүн
хайысхатынан улууспут нэһилиэктэрин спорка ситиһиилэрин түмүү
этэ даҕаны, бу үлэ ситэ кыаллыбата... Ол оннугар Иван Михайлович
Уус Алдан улууһун араас кэмнэргэ республикаҕа аатырдыбыт 218
спорт бэтэрээнин тустарынан ахтыьтлары хомуйан, бэчээккэ биэр-
битэ. Бу үлэ улууспут спорка историята буолан тахсыаҕа. Учуутал-
быт кинигэтэ тахсарын кэтэстэ этэ да, онуоха тиийбэккэ орто дой-
дуттан барбыта олус хомолтолоох.
Кэлиҥҥи кэмҥэ бары да доруобуйабыт молтоон уонна хоруона хам-
сыгын ыарыыта туран, көрсүһэрбит аҕыйаан, телефонунан эрэ билсэр-
бит. Аҕыйах хонукка эрийбэтэхпинэ, учууталым бэйэтэ эрийэн: «Хайа
хайдаххыный? Эн, эдэр киһи, кытаат, ыалдьыбатаххына сатанар уонна
2022 сьтлга буолуохтаах спортивнай оонньууларга этэшгэ тиийэн, дой-
дубутугар буолар улахан спорт бырааһынньыгын дуоһуйа көрүөхпүт
этэ», - диирэ. Ол баҕарбыт ыра санаата туолаахтаабата...
Бороҕоҥҥо бастакы паромунан тиийэн сынньана түһүө, аны бы-
раастарын билэр, онон этэнтгэ эмтэниэ диэн холку санаалаах этим.
Онтон телефоннаан билсибиппэр: «Кэлбитим нэдиэлэ да буолбак-
ка, балыыһаҕа киирэн сытабын, соччо үчүгэйэ суохпун», - диэ-
битэ. Куолаһа симик соҕуһуттан дьиксинэ санаабытым эрээри, са-
наатын көтөҕөн: «Кытаат, санаа күүһүнэн хайа баҕарар ыарыыны
кыайаллар. Санааҥ эрэ күүстээх буолуохтаах», - диэбитим. Онно
учууталым: «Чэ, хайдах буолар?..» - диэхтээбитэ. Ити кинини кытта