Page 182 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
ол да буоллар, кэлэн барар бириэмэ-
тигэр дьарыктарга сылдьара, ырыта-
ра, сурунаалы, конспегы бэрэбиэрк-
элиирэ, хайаан даҕаны докумуоннар
толоруллалларын ирдиирэ. Онон
улаханнык толлон, убаастаан, төһө
даҕаны ыарахаттары көрүстэрбит,
сүрүн ирдэниллэр докумуоннары то-
лорор буоларбыт.
1970-75 сс. сайынын элбэхтик
бииргэ эрчиллэрбит. Күн аайы 1-1,30 чаас эрчиллиилэри оҥорор-
бут. Көннөрү кросстар эрэ буолбаттара, элбэх сыырдаах, түһүүлээх
сирдэринэн оҥортороро. Онно сөҕөрүм диэн, Иван Михайлович
сыыр тахсыытыгар (атаҕынан сүүрэн) олох көнө сиргэ сүүрэр кур-
дук түргэнник сүүрэрэ, тулуппат этэ уонна биир олус астынарым
диэн, саҥаттан саҥа трассалары, сүүрэр эргиирдэри арыйара. Ол
кини оҥорбут 3 км, 10 км, 15 км эргиирдэригэр кэлиҥҥи кэмҥэ диэри
дьарыкка сүүрэрбит. Ити трассаларынан сүүрэн дьарыктаммыт Про­
копий Харитонов, Петр Окоемов, Анатолий Заболоцкай, Анатолий
Басыгысов, Владимир Слепцов уо.д.а республикаҕа элбэхтик кыай-
быттара, миэстэлэспиттэрэ, оройуон чиэһин элбэхтик көмүскээбит-
тэрэ.
Республикаҕа уһун дистанцияларга 70-с сыллар саҕаланыыла-
рыттан сүүрбүт буоллахтарына, биһиги 1964-65 сс. 30 км сүүрүүгэ
күрэхтэһиини оройуоммут иһигэр Иван Михайлович көҕүлээһи-
нинэн саҕалаабыппыт. Онон даҕаны 13 төгүл «Кыым» хаһыат эста-
фетатын, Герой Попов бирииһин кроһугар республикаҕа оройуон
сүүрүүктэрэ кыайан турабыт.
Кэлин 1984-88 үөрэх дьылыгар Мүрү аҕыс кылаастаах оскуола-
тыгар бииргэ физкультура учууталынан үлэлээбиппит. Онно саамай
сөхпүтүм уонна үөрэммитим баар, кини үөрэнээччилэргэ картотека
арыйан, хас биирдии үөрэнээччи эт-хаан өттүнэн сайдыытын бэлиэ-
тээн суруйан иһэрэ. Хас биирдии кылааска программанан картотека
былаан-конспект оҥоһуллубута.
Кылаастарынан ГТО нормативтарын туттарыытын ведомостара,
сурунааллара оҥоһуллара. Оскуола иһинэн комплекснай спартакиа­
да, маассабай күрэхтэһиилэр ыытыллаллара. Физкультура уруогар
сылдьар оскуола бары үөрэнээччилэрин 100% хабан күрэхтэһин-
нэрэр этибит. Оскуола үөрэнээччилэригэр алын сүһүөх физкультура