Page 183 - Улуус спордун үйэтиппит учуутал, тренер. Иван Жирков

коллективын күүскэ үлэлэтэрэ. Бу оҕолор күрэхтэһиилэри бэйэлэрэ
салайан, судьуйалаан ыыталларын ситиһэрэ.
Кини үлэлиир сылларыгар дириэктэр К.П. Андросов, оскуола
коллектива, учууталлар, техүлэһиттэр ГТО нуорматын туттарыыла-
ра бырааһынньык курдук буолара. Аччыгый алааска хайыһардыыл-
лара бу баарга дылы.
Иван Михайлович кэлин 2-3 сылга оройуон спортивнай олоҕор
биир улахан үлэни оҥордо. Кини уонна И.И. Захаров 350-кэ спор-
тсменнар ахтьтыларын хомуйан бэчээккэ бэлэмнээтилэр, 2004 с. ки-
нигэ бэчээттэнэн тахсыахтаах. Онон Иван Михайлович 20-тэн тахса
төгүл хайыһарга республика чөмпүйүөнэ эрэ буолбатах, кини улахан
педагог, методист, учуутал уонна физкультурнай тэрийээччи быһыы-
тынан биһиги сыаналыыбыт, киэн туттабыт.

Владимир Пантелеймонович СЛЕПЦОВ,
хайыһарга Саха АССР спордун маастара,
Муру нэһилиэгин бочуоттиах олохтооҕо.
Сэтнннъи 23 күнэ, 2003 сыл.

Истиҥник саныыр учууталым

Мүрү аҕыс кылаастаах оскуолатыгар 5-с кылаас-
ка үөрэнэ сылдьан чэпчэки атлетика сиэксийэтигэр
дьарыктанар этим. Тириэньэрбит - физкультура
учуутала Владимир Пантелеймонович Слепцов.
Арай биир күн, тириэньэрбит иккиэ буолан кэл-
лилэр. Ол киһини көрдөхпүнэ хара будьурҕай бат-
тахтаах, орто уҥуохтаах, бэрт түргэнник хамса-
нар-имсэнэр этэ. Владимир Пантелеймонович
сүүрэн бүппүппүтүн кэннэ, стройдатан баран биһи-
эхэ туһаайан: “Аны эһиги хайыһар сиэксийэтигэр көһөҕүт, билсиҥ,
тириэньэргит Иван Михайлович Жирков”, - диэн билиһиннэрбитэ.
Дьэ, ити курдук 1978 сыллаахха Иван Михайлович Жиркову кы-
тары билсиһиим саҕаламмыта. Иван Михайлович хайыһарга ССРС
спордун маастарыгар кандидат, Саха АССР спордун маастара, СР
хас да төгүллээх чөмпүйүөнэ, бэйэтин кэмигэр республика биир
күүстээх хайыһардьыта буоларын билбиппит.
Ити кэмнэргэ Иван Михайлович хайыы үйэ республикаҕа уон-