Page 187 - Улуус спордун үйэтиппит учуутал, тренер. Иван Жирков

мин Томаны туора ыҥыран
кэпсэттим, кыыһым хаста да
ол оҕоҕо хотторбутун туһу-
нан эттэ. Дьэ, бэйэм төһө
сатыырбьтнан сүбэлиибин:
“Тома, эн дьиэҕэр, дойдугар
сүүрэҕин, хайаан да кыай-
ыахтааххын, эн кыаххар
мин эрэнэбин!” - диэн ха-
бааннаах. Ити кэпсэтиибит
туһаҕа барда, Томабыт сүүрэн кыайда, өрөгөй бөҕөбүт, түмүгэр ха-
маанданан бастаан таҕыстыбьтт! Бастакы хайҕабылбын Иван Ми-
хайловичтан ыллым, улахан уопуттаах тириэньэр, биллиилээх спор­
тсмен эрэлин толордум, үлэҕэ тургутугун этэҥҥэ аастым диэн мин
үорүү кынатыгар уйдардым. Ити кыайыылаах күрэхтэһииттэн өрө
көтөҕүллэн үлэм саҕаланан баран истэ.
Иван Михайловиһы кытта биһиги улууспут биир киэн туттар
сүүрүүгэ, 5000, 10000, 42 км. дистанцияларга өрөспүүбүлүкэ хас да
төгүллээх чөмпүйүөнэ Владимир Пантелеймонович Слепцов физкуль­
тура учууталынан үлэлиирэ, онон үһүө этибит. Үлэбин саҕалыырбар
ыйыы-кэрдии оҥорбут, сүбэ-ама буолбут дьонум кинилэр буолаллар.
Мүрү 8-с кылаастаах оскуолатын дириэктэринэн Светлана Дмит­
риевна Солдатова, завучтар Надежда Егоровна Харитонова, Галина
Ефимовна Шадрина үлэлииллэрэ. Манна үлэлиир сылларбар элбэх
да тэрээһиннэр буолбуттара, эдэр даҕаны учууталлар элбэх этибит.
Улууска ыытыллар спортивнай күрэхтэһиилэргэ барытыгар кыт-
тарбыт уонна инники миэстэҕэ сылдьарбыт. Сыльтн аайы оскуо-
ла үөрэнээччилэрэ уонна учууталлар бары ЕТО комплексын нор-
мативтарын туттарарбыт булгуччулаах этэ. Саас, муус устар ыйга
хайыһарга тутарбыт. Ыам ыйыгар Быйды алааска сыл аайы туризм
слетун ыытарбыт. Онно чэлгийэ көҕөрөн эрэр айылҕабыт барах-
сан туонатыгар үөрэнээччилэр, учууталлар бары үөрэн-көтөн, өрө
көтөҕүллэн туран, тоҕо анньан тиийэрбит. Бу тэрээһиммит үөрэх
дьылын түмүктүүрдүү бэйэтэ туспа бырааһынньык курдук буолара.
Үлэбин бастакы саҕалыыр кэмнэрбэр ирдэбиллээх, үлэһит,
дьоһун киһи Иван Михайлович элбэҕи ыйбыта, үөрэппитэ уон­
на сүбэ-ама биэрбитэ. Аһаҕас уруоктары ыыттарара. Кэлин, бэйэм
улуус физкультураҕа учууталларыгар «маастар-кылаас» ыытар
учуутал буолбутум.