Page 188 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
Биир кэмҥэ үлэлии сылдьыбыт, оҕону спорка уһуйар, күрэх-
тэһиини тэрийэр, физкультура учууталын үлэтин салгыы идэ, үлэ
оҥосторбор олук уурбут ытыктыыр дьоммун Иван Михайлович
Жиркову, Владимир Пантелеймонович Слепцову истииник махта-
на саныыбын. Кэлиҥҥи даҕаны сылларга Иван Михайловичтыын
сибээспитин тутан сылдьыбыппыт. Кини бочуоттаах сынньалаҥҥа
барбыт кэмнэриттэн дуобаты, саахыматы олус сөбүлээн оонньуура.
Убай оҥостубут дьоммут, спорт бэтэрээннэрэ кэнники «Абылаҥ»
диэн дуобат уонна саахымат кулуубун тэрийбиттэрэ. Бороҕон чулуу
дуобатчыттара, саахыматчыттара бары бииргэ түмсүбүттэрэ. Иван
Михайлович туе бэйэтин ыҥырыытынан мин кулууп чилиэнэ буол-
бутум, ону туоһулуур киниискэ туппутум. Кыһыҥҥы өттүгэр оскуо-
лаҕа, саас айылҕаҕа тэринэн тахсан дуоһуйа дуобаттаан, саахымат-
таан, ирэ-хоро кэпеэтэн, сынньанан киирэрбит.
Учуутал убайым Иван Михайлович дьиҥ чахчы үүнэр көлүөнэни
иитиигэ-үөрэтиигэ ураты бэриниилээх педагог, үөрэтэр оҕолоругар,
биир идэлээхтэригэр, доҕотторугар, дьонугар-сэргэтигэр аламаҕай
сыһыаннаах, дьылҕа-хаан тургутуктарыгар тулуурдаах, кытаанах
санаалаах, олоххо-дьаһахха киэҥ, дириҥ билиилээх-көрүүлээх, ыл-
бычча киһи тэҥнэспэт саха ньургуна этэ.

Серафим Михайлович ТАТАРИНОВ,
чэпчэки атлетика тириэньэрэ, СР үөрэхтээһиҥнэ,
физкультураҕа уоииа спорка туйгуна,
РФ уопсай үөрэхтээһинин бочуоттаах үлэһитэ.

Умнуллубат өйдөбүл

Иван Михайлович Жирков аатын аан бастаан Г.В.
Егоров аатынан Мүрү орто оскуолатыгар үөрэнэ
сылдьан истибитим. Биһиги 1974 бүтэрбит кылаас-
тар оччолорго бииргэ үөрэммит оҕолорбут Проня
Харитонов, Костя Дегтярёв, кэлин тохсус кылааска
атын оскуолаттан кэлбит Коля Стрекаловскай, Рим­
ма Крылова (Костромина), Надя Андросова (Янки-
на), Зоя Олесова спортивнай оскуола хайыһарынан
сүүрүү кылааһыгар дьарыктаналлар этэ. Тренердэрэ
Иван Михайлович Жирков диэни билэр, көрөр этибит.