Page 290 - Улуус спордун үйэтиппит учуутал, тренер. Иван Жирков

Улуус спордун уйэтиппит учуутал, тренер

тэрилтэлэриттэн көҥүллэтэн, таҥан, аттаран туруоран, дьарыктаан,
бэлэмнээн өрөспүүбүлүкэ күрэхтэһиитигэр киллэрэн кытыннарар
сүрүн эппиэтинэһи бырааппар, анал спортивнай үрдүк үөрэхтээх
Иван Михайлович Жирковка сүктэрэллэрэ.
Быраатым Ваня сэрии эрэ иннинэ, 1940 сыл кулун тутар 8 күнүгэр
Бээрийэ нэһилиэгэр төрөөбүтэ. Биһиги аҕабыт Михаил Васильевич
Жирков сэриигэ маҥнайгы хомуурга түбэһэн 1941 сыллаахха бар-
быта. Онон биһиги ийэбит Варвара Ивановна Жиркова (Васильева)
иитиитигэр үс кыра оҕо буолан хаалбыппыт: мин алталааҕым, балтым
Маайыс түөртээҕэ уонна бырааппыт балтараа сааһыгар сылдьара.
Урутаан этиэх кэриҥнээхпин: аҕабыт 1943 сыллаахха аан дойду иккис
сэриитин дьылҕатын быһаарбыт, аатырбыт Курскай тоҕой хааннаах
хапсыһыытыгар илиитигэр, атаҕар ыараханнык бааһыран, төбөтүгэр
улахан контузияланан, госпиталга ор эмтэнэн, инбэлиит буолан, хор-
сунун иһин «Албан аат» уордьан 3-с истиэпэнинэн наҕараадаланан
дойдутугар эргиллэн кэлэн салайар үлэҕэ ананан үлэлээбитэ.
Сахабыт сиригэр 1942 сыл сайыныттан саҕалаан олус улахан
сут дьыл буолбута. Мин сааһым тухары итинник саха омукка элбэх
иэдээни аҕалбыт улахан суту билэ-көрө иликпин. Куйаас баҕайы
күннэргэ халлааҥҥа ыанньыйбыт аҕай көрүҥнээх хара былыт кураа-
нах этиҥин эрэ этитэн баһыгыратан баран, ардаҕын түһэрбэккэ ааһа
көтөн баран хаалара. Ону оҕонньоттор «кураан этиҥэ» диэн аат-
тыыллара. Сир-дойду барыта куура хатан, оттон, бурдуктан мэли-
йэн, ити күһүн Бээрийэ нэһилиэгин Буденнай аатынан холкуос ынах
сүөһүтүн Түүлээх нэһилиэгин Хаттыгытыгар киллэрэн кыстаппы-
та. Онно биһиги Ванялыын ийэбитин кытта кыстаспыппыт. Онтон
эһэбит Василий Михайлович Жирков, эбэбит Прасковья Гаврильев-
на (Копырина) балтыбын Маайыһы ылан Лабачааныга Хаастаах-
ха кыстаабыттара. Ийэбит холкуос бастыҥ ыанньыксыта буолан,
бүтэн биэрбэт уопсай үлэтиттэн ордон, үс бытархай оҕону кыайан
көрөр-истэр күчүмэҕэйиттэн эбит.
Хаттыгыга олорор кэммитигэр биһиги дьиэҕэ дьукаахтаһан оло-
рор ыаллар уонча оҕолоро баара даҕаны, таһырдьа тахсан, эбэтэр
дьиэ иһигэр даҕаны оҕо-оҕо курдук оонньуурбутун букатын өй-
дөөбөппүн. Билигин санаатахпына, ас-таҥас кырыымчыга бэрт буо­
лан аччыктаан мэниктиир, оонньуур сэниэбит да суох эбит.
Холкуоспут бэрэссэдээтэлинэн Бороҕон нэһилиэгин Тумул
бөһүөлэгин киһитэ Петр Николаевич Васильев үлэлээбитэ. Бу кэл-
бит-барбыт, саҥарбыт-иҥэрбит, сымнаҕас майгылаах киһи этэ. Кини