Page 321 - Улуус спордун үйэтиппит учуутал, тренер. Иван Жирков
P. 321
1987, 1988, 1989 сылларга 1500 м, 3000 м, 5000 м сүүрүүлэргэ Уус
Алдан оройуонун уонна Саха АССР үөрэнээччилэрин сайыҥҥы
спартакиадаларын хас да төгүллээх чемпиона, призера буолбутум.
1989 сыллаахха, 9-с кылааска үөрэнэр сылбар, Челябинскай куо-
ракка ыытыллыбыт Сибиир уонна Уһук Илин РСФСР үөрэнээч-
чилэрин спартакиадатыгар кыттар улахан чиэскэ тиксибиппэр Иван
Михайлович сүдү өҥөлөөх. Кини элбэх сыаналаах сүбэлэрин, дьа-
ныардаах дьарыгын туһанан, бу үрдүк таһымнаах күрэхтэһиигэ уон
бастыҥ көрдөрүүлээх спортсменнар ахсааннарыгар киирбитим.
Иван Михайлович тириэньэр быһыытынан бэйэтэ туспа суоллааҕа-
иистээҕэ, дьарыктарга туспа методиканы туттара, ол иһин даҕаны
кини бэйэтин спордун көрүҥэр - хайыһарга дьарыктаабыт оҕолоро
өр кэмнэргэ өрөспүүбүлүкэ кыайыылаахтарынан ааттаннахтара.
Убайым биэрбит билиилэрин билиҥҥэ диэри туһанабын, ол кур-
дук спорт хайа баҕарар көрүҥэр уһуйуллар - күүстээх, булгуруйбат
санаа, бэйэҥ кыаххар эрэл, туруоруммут сыалгын-соруккун чоп-
чу ситиһии, хамаандаҥ бастыырын, өрөгөйдүүрүн иһин туох баар
кыаххын, күүскүн аныырьгҥ курдук көстүүлэр көннөрү күннээҕи
олоххо, үлэҕэ-хамнаска, бултуурга-балыктыырга арыаллыы сыл-
дьаллар.
Мин, спордунан дьарыктаныыбар, кэккэ сэмэй ситиһиилэрбэр
уонна спорт дьикти, умсугутар эйгэтигэр сыстыбыппар улахан са-
быдыалы оҥорбут убайбын Иван Михайловиһы үтүө тылларынан
өйдүү-саныы, махтана сылдьыам.
Алексей Михайлович ЖИРКОВ, бырааша,
чэпчэки атлетикаҕа Саха АССР
үөрэнээччилэрин спартакиадаларын
хас да тогүллээх чөмпүйүөнэ.
