Page 323 - Улуус спордун үйэтиппит учуутал, тренер. Иван Жирков

Кэргэним, аҕабыт

биһиги суон дурдабыт

Хаһан, ханна этэй, биһиги бастаан көрсүһүүбүт...
Кэргэним Иван Михайлович бэйэтин хоһоонугар
дьүһүйбүтүн курдук, Пермь куорат устудьуоннар
уопсайдарыгар этэ.
Уопсай дьиэҕэ, Пермькэ,
Көрсо түһээт көрүдүөргэ,
Күүтэн турбут аналым
Кини эбит диэбитгш.
Ити күнтэн күөдьүйэн,
Таптал кыыма саҕыллан,
Дьолу түстүүр түһүлгэ
Төрүттэнэн барбыта.
Бука, дьылҕа хаан ыйыытынан буолуо, кыргыттарбын кытта ар-
гыстаһан, кэтэсиһэн кэлэр бэйэм, ол күн тоҕо эрэ, эрдэлээн, бэйэм
соҕотоҕун кэлбитим...
Уопсайбар киирээт, андаатар бэргэһэлээх үс уол тахсан иһэл-
лэригэр кэтиллэ түспүтүм. Арыый намыһах уҥуохтаахтара: «Са-
хаҕын дуо?» - диэн ыйытта. Мин: “Сахабын”, - диэтим, ол икки
ардыгар вахтер дьахтар: «Это, Машенька, к вам земляки приеха­
ли», — диэтэ. Мин бастакы куурус кэнниттэн агрономическай фа-
культеттан агрохимическайга көспүтүм, онон нуучча кыргыттарын
кытта олорор этим да, “сахаларым” хоһун күлүүһүн ылбытым уон-
на онно киирбиппит. Кэпсэтэн билбитим уолаттар хайыһардьыттар
эбит, Пермьҥэ эрчиллэр түмсүүгэ (усбуорга) кэлбиттэр. Сөмөлүөк-
кэ биир саллаат саха уола тыа хаһаайыстыбатын институтугар са-
халар бааллар диэн ыйан ыыппыт. Ол кэмҥэ кыргыттарым биирдэ
баар буола түстүлэр. Вахтер кинилэргэ ыалдьыттар кэллилэр диэн
эппит, онон сүрдээх сэргэҕэлээбит көрүҥнээх дьон киирэн кэл­
лилэр. Саамай сытыы-хотуу кыыспыт Маша Афонская билсиһии
сиэрин-туомун саҕалаата. Хайа оройуонтан, ким диэн ааттаах-су-
оллаах, туох үлэһит, туохха кэлбиттэрин эҥин түөрэ ыйытта. Өссө
икки эдэр дьону - миигин уонна уолаттартан Коля Пестрякову
дьаһайан, чугас маҕаһыыҥҥа бородуукта ыллара ыытта. Суох кэм-
митигэр кыргыттар саба түһэн остуолу бэлэмнээн, биһиги кэлэр-
битин кэтэһэн олороллор эбит. Маша сорудаҕынан уонна уолаттар