Page 343 - Улуус спордун үйэтиппит учуутал, тренер. Иван Жирков

Аҕам куруутун чиэһинэй, үлэһит, дьоҥҥо үтүө сыһыаннаах буо-
лууну өрө тутара. Бэйэтин холобуругар көрдөрөр этэ. Ол иһин да буо-
луо, мин аҕабын идеальнай киһи курдук саныыр этим. Дьон үлэтин
туохха эмитэ туһаннаҕына, хаһан баҕар боччумнаахтык төлөһөрө,
харчытын хаһан даҕаны ааҕааччыта суох. Кэлин ыал буолбутум кэн-
нэ даҕаны, куруутун быыкайкаан биэнсийэтиттэн көмөлөһө олорооч-
чу. Уопсайынан дьоҥҥо сыһыана, оҕоҕо да буоллун, кырдьаҕаска да
буоллун, олус тактичнай буолааччы. Ол быыһыгар куруутун киһини
хомоппот гына дьээбэлэнэр, дьону күллэрэр, үөрдэр этэ. Айылҕаҕа,
дьиэҕэ-уокка, малга-салга олус харыстабыллаахтык сыһыаннаһара:
алдьаммыты өрөмүөннээн, ыһыллыбыты хомуйан, барытын өрө тар-
да сылдьара, туту да илиитин таһынан оҥорбот этэ. Айылҕаҕа сын-
ньана таҕыстахпытына бастаан сирбитин бөхтөн-сыыстан хомуйан
баран түһэрбитигэр, барарбытыгар бэйэбит бөхпүтүн барытын хо-
мунан барарбытыгар үөрэтэрэ. Олус чэнчис, аккуратнай буолара.
Кини туттар мала-сала, инструменнара барыта орун-оннугар сытар
буолаллара. Дьон киһини бастаан тас көрүҥүттэн көрөллөр диирэ.
Ол иһин таҥаһа-саба куруутун ыраас, өтүүктэммит буолара уонна
биһигиттэн ону ирдиирэ.
Эдэр сылдьан бэйэтэ өр кэмнээх усбуордарга уонна элбэх күрэх-
тэһиигэ баран кыттан кэлээччи. Соҕурууттан кэлэригэр биһиэхэ,
оҕолоругар, хайаан да кэһии аҕалара, дьэ, ол үөрүүтэ-көтүүтэ буо­
лара. Биирдэ Ригаттан киһи көрбөтөх араас дьэрэкээн үчүгэй таҥас-
сап аҕалан соһуппута. Уопсайынан кэһии биэрэриттэн бэйэтэ ордук
үөрэр быһыылааҕа. Биирдэ Саҥа дьыл чугаһыгар дьааһыгынан са-
калаат уонна дьааһыгынан дьаабылыка соҕурууттан аҕалбыта. Оо,
үөрдэхпитин! Ол саҕана билиҥҥи курдук маҕаһыын аайы атыыга
фрукта суоҕа, дэҥҥэ амсайарбыт.
Аны туран оҕо-оҕо курдук, кыра эрдэхпитинэ, наар ыкка-кус-
ка наадыйан, аҕабытын эрийэр этибит. Төһө да кэлин бэйэтэ наар
көрөрүн-аһатарын биллэр да, биһиэхэ хаста даҕаны ыт оҕотун аҕа-
лан дьоллообута.
Видеокамера диэн 90-с сылларга баар буолбута. Эдьиийбит Лена
бэлэхтээбит видеокамератынан аҕабыт олохпут күндү түгэннэрин
түһэрэн, биһиэхэ сыалай архыып курдук хаалларбыта. Ону олус
сыаналыыбыт, харахпыт харатын курдук харыстыыбыт.
Аҕабыт отонньут бэрдэ этэ. Биир сиргэ олорбокко, сүүрэ сыл­
дьан үргүүрэ уонна иһитин барыбытыттан эрдэ толороро. Кэлин
ыарытыйар буолан эмтээх оттору, дөлүһүөну, үөрэ отун хомуйа