Page 349 - Улуус спордун үйэтиппит учуутал, тренер. Иван Жирков

кэпсээннэри, былыргы номохтору, эдэр сылдьан бултаабыт, балык-
таабыт түгэннэрин сэһэргээн сэргэхситэрэ. Бүтэн барарбытыгар ийэ
айылҕабытыгар махтанан, сирбитин ыраастаан, туох баар тахсыбыт
бөхпүтүн хомунан, туспа бакыакка уган бөһүөлэккэ тиэйэн илдьэ ба-
рар үгэһи тутуһарбыт. Күһүн отоннуурбутугар эмиэ маннык хабаан-
наахтык сылдьарбыт. Эһэбит отонньутунан барыбытын баһыйан тах-
сара, саамай элбэх отону ыраастык кини эрэ хомуйбут буолара.
Мин төрөппүттэрим эдэр сааспар суох буоланнар, Мария Ни-
коновна уонна Иван Михайлович туохха даҕаны кэмнэммэт ийэ,
аҕа кыһамньытын, болҕомтотун, сүбэтин-аматын олохпор толорон
биэрбит күндү дьонум буолаллар. Кинилэр биһиги дьиэ кэргэни
күһүн аайы отонноон, хаптаҕастаан, моонньоҕонноон, бэйэлэрэ
сайыны быһа бүөбэйдээн үүннэрбит оҕуруоттарын аһынан толору
хааччыйаллара, дойдуларын иҥэмтиэлээх сибиэһэй этин-арыытын
икки ыалынан кыттыһан ыламмыт, кыһалҕата суох кыстыырбыт.
Ону барытын аҕа баһылыкпыт, Иван Михайлович барахсан, эрдэт-
тэн былааннаан тэрийэрэ.
Быйыл саас эһэбит улаханных ыарытыйбыта, куоракка балыыһа-
ларынан сылдьан көрдөрүммүтэ. Сайын саҕаланыыта Бороҕонноору
сырыттахпытына, быраастар химиотерапияны солбуйар таблеткала-
ры суруйан биэрбиттэрэ, арыый чэпчэкитик эмтэниэ, аһарыныа диэ-
биттэрэ. Эһэбит бу мантан уонна ахтылҕаннаах дойдутугар айаннаа-
ры санаата чэпчээн аҕай сылдьыбыта. Ыам ыйын 29 күнүгэр, эһэбит
уһун айаҥҥа итииргээн сылаарҕыа диэммит, күн куйаара илигинэ
сарсыарда эрдэттэн Даркылаахха 7 чаас ааһыыта киирдибит. Арай
кытылбыт толору массыыналаах көрүстэ. Ким даҕаны тугу да бы-
һаарбат, кэмниэ-кэнэҕэс дьонтон ыйыталаһан билбиппит, үөһэ хан-
нык эрэ үрэхтэр муустара иҥнэн, харан туран баран дьэ бүгүн эрэ
эбэҕэ киирэн эрэллэринэн паром сырыытын тохтотон кэбиспиттэр.
Үөһэ трассаттан уочараттаан кэтэһэн олордубут. Эбэ күөх ньуурун
көрдөххө букатын ырааҕынан одоҥ-додоҥ муустар кылбаһан устан
ааһаллар. Сии балачча буолан баран, эһэбит сылайыа, дьиэбитигэр
төннөрбүт дуу диэбиппэр, дьонум сөбүлэспэтилэр, баҕар, сотору
көҥүллүөхтэрэ диэн буолла. Ити курдук киэһэ биэс чааска диэри
олордубут, тиэрмэскэ чэйдээх уонна аһыыр өйүөлээх буоламмыт ту-
лустубут. Били, этэргэ диэри, доруобай да киһи сылаарҕыах курду к
балаһыанньата буолла. Ол тухары Иван Михайлович биирдэ да ын-
чыктаабакка, энэлийбэккэ олорбутуттан билигин сөҕөбүн, дьиҥинэн
төһөлөөх сытыы ыарыыны тулуйбутун, сылайбытын, барахсан, бэ-