Page 344 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
диэн анаан тахсар этибит. Айылҕаҕа таҕыстаҕына олус дуоһуйара,
сирэйдиин-харахтыын сырдыыра. Онно атах тэпсэн олорон кэпсэ-
тэ-кэпсэтэ наҕыллык өйүөбүтүн сиирбит уонна тиэрмэстэн үүттээх
чэйбитин иһэрбит.
Бэйэбин өйдүөхпүттэн аҕам барахсан биирдэ даҕаны дьиэҕэ дьа-
рыга суох сытарын өйдөөбөппүн. Куруутун үлэ үөһүгэр: оскуолаҕа
уруоктара, сиэксийэлэрэ, мунньахтара, күрэхтэһиилэрэ, дьиэтигэр
кэлэн муус-мас үлэтин кыайа тутан баран, эмиэ оскуолатын үлэтин
салгыыр этэ. Уруоктарга түһэрбит хаартыскаларын бэчээттиирэ,
күрэхтэһиилэр түмүктэрин графигын оҥороро, түөскэ кэтэр нүөмэр-
дэри трафарет оҥорон бэчээттиирэ, ватман кумааҕыга «Молния» су-
руйара уонна даҕаны атын түбүгэ элбэх этэ. Киэһээ хаска утуйарын
билбэппин, сарсыарда турдахпына эмиэ түбүгүрэ сылдьар буолара.
Ол быыһыгар аны тэлгэһэтин иһигэр баар тутууну барытын соҕо-
тоҕун кэриэтэ туппута: ампаар, гараас, хотон, теплица уо.д.а. Ити
курдук түбүк үөһүгэр сылдьыбыт олоҕо биирдэ элэс гынан ааспыт
эбит. «Биирдэ өйдөөбүтүм, биэнсийэҕэ тахсан олорор оҕонньор
эбиппин», - диир этэ, аҕам күлэ-күлэ. Кэлин сааһыран баран, ону
өйдөөтүм!
Биэнсийэҕэ тахсан баран сарсыарда аайы биир чаас кэриҥэ сэ-
рээккэ оҥороро. Араас доруобуйаны тупсарар дьарыктара элбэх
этилэр. Төһө да ыарахан ыарыыга ыллардар, ити дьарыктара кини
олоҕун кэм уһаппыттара саарбаҕа суох. Аны биэнсийэҕэ эмиэ таах
олорботоҕо, туох даҕаны дьарыга баһаам этэ. Араас дьоҕура арыл-
лыбыта. Холобур, быһаҕынан кыһан араас ытыктары, күөрчэхтэри
оҥороро, элбэх табаарыһыгар, сыттык-сыҥаһа ыалларыгар олоп-
пос да, ыскамыайка да оҥорон бэлэхтиирэ. Сорох табаарыстарын
үбүлүөйдэригэр эмиэ быһаҕынан кыһыллан оҥоһуллубут саахымат
фигураларын уонна остуолун ылан үөрбүттэрэ-көппүттэрэ.
Бэйэтэ саахыматы сөбүлүүрэ, куһаҕана суохтук оонньуура. Ол
иһин да буолуо «Абылаҥ» диэн саахыматы, дуобаты, чөл олоҕу ту-
туһар кулуубу тэрийбитэ. Манна Бороҕон саахыматы сөбүлүүр эр
дьоно саалаҕа биитэр айылҕаҕа мустан дуоһуйа оонньоон, сэргэхси-
йэн бараллара. Биир кэмҥэ «Модун» спортивнай комплексын остуол
оонньууларын сиэксийэтин салайааччыта Надежда Белолюбская аҕа-
бытыгар хабылык, хаамыска комплектарын сакаастаан оҥотторбута.
Аны иллэҥсийбиччэ диэн оҕуруокка улахан болҕомтотун уурбута.
Кини бүөбэйдиирэ бэрдиттэн оҕуруотун аһа баһаам буолара. Сиэннэ-
рим доруобай буоллуннар диэн анаан спортивнай муннук тэлгэһэҕэ