Page 346 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер

Иван Михайлович
сиэнин кылааһыгар
интернет нөҥүө
төрүччүнү
билиһиннэрэр

Кэлин биһиги ыал буолан баран, сайын аайы Бороҕоҥҥо тахсан
өрүүр, сайылыыр буолбуппут. Бастакы сырыыбар көрдөхпүнэ, аҕа
кынным дьиэтэ, гарааһа, ампаара, балаҕана, булууһа, күрүөтэ-хаһаа-
та барыта уурбут-туппут курдук тутуулаахтарын, ис бэрээдэктээх-
тэрин бэлиэтии көрбүтүм. Тиэргэнигэр эмиэ барыта орун оннугар,
туох даҕаны ыһылла-тоҕулла сытара көстүбэт буолара. Кэлин бэйэтэ
кэпсээбитинэн, бу тутуулары барытын эт илиитинэн тутуспут, со-
рохторун соҕотох бэйэтэ эрэ туппут эбит. Эдэр сылдьан күүстээх
дьарыктаах спортсмен буолан, тутуу маһын таҥастааһынын, суоруу-
тун таһаҕас оҥостубакка, бэйэтэ холкутук оҥороро эбит. Аҕа кын­
ным сарсыарда эрдэ туран оҕуруотун, тиэргэнин бэрийэрэ уонна га-
рааһыгар бэйэтэ киирэр-тахсар аанын тэлэччи арыйан, сөрүүн сиргэ
муннун аннынан киҥинэйэн ыллыы-ыллыы туту эмит уһана олорор
буолара. Ол саҕана доруобуйата мөлтөөн да сырыттар, биирдэ даҕа-
ны кини быар куустан сытарын эбэтэр бириэмэ ыыта сатаан таах
сылдьарын көрбөтөх эбиппин. Мэлдьи туох эрэ дьарыктаах, үлэлээх,
солото суох сылдьар буолара. Арай сайыҥҥы өҥүрүк куйааска, күнүс
сөрүүн дьиэҕэ киирэн эбиэттээн баран, кыратык сытан, саҥа хаһыат-
тары ааҕан, нухарыйан ылара. Онтон туран массыынатын собуот-
таан, араас наадаларыгар эбэтэр маҕаһыыннарынан баран кэлэрэ.
Киэһэ өттүгэр теплицатыгар, оҕуруотугар сыыс оттоон, үүнээйилэ-
рин эбии аһатан, уу кутан, пленканан бүрүйэн, ийэ кынныбынаан
иккиэн тилигирэччи үлэлии сылдьар буолааччылар.
Куораттан Суоттунан сылдьар эрдэхпитинэ, бээтинсэҕэ үлэбит
кэнниттэн айаҥҥа турунан, Кангалааһынан паромҥа уочараттаан
эбэни туораан, мэлдьи да буоларыныы, мин суолга холкутук сылдьар
киһи, Бороҕоҥҥо олох түүн диэки тиийээччибиг. Онно аҕа кынным
тиэргэнин боруотатын тэлэччи аһан, кэтэһэ сылдьар буолара. Таһыр-
дьа массыынабытын оннун булларан бүтэн, дьиэҕэ киирэммит, эбэ-