Page 348 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
ринэн, букатын аҕыйах сыл-
лаахха диэри, дьиҥнээх Тым-
ныы оҕонньор кэлэн барар
диэн итэҕэйэр эбиттэр. Ол
оҕонньор киирэригэр ТОҔО
эрэ эһэбит дьиэҕэ суох бу-
олан хаалааччы, онтон бэй-
этинэн киирэн кэллэҕинэ:
«Эн ханна бара сырыттыҥ,
суоххар Тымныы оҕонньор
кэлэн барда, кыратык хойу-
таатыҥ, онтон атын көрүө
эбиккин...», - диэн өссө ки-
ниэхэ кэпсээн тоһуйаллар эбит. Эһэбит өссө хас сыл аайы илиҥҥи
халандаар бэлиэ кыылларын, харамайдарын мастан кыһан, чочуйан
оҥорон, араас өҥүнэн кырааскалаан, лаахтаан биһиги дьиэ кэргэҥҥэ
бэлэхтээбитэ билигин көстүүлээх сиргэ мунньуллан ууруллан турал-
лар.
Кэлиҥҥи сылларга биһиги ыал куоракка, университет ботаничес-
кай саадын сэргэстэһэ, сир учаастагын ылан күрүөлээн, тутуулар-
бытын былааннаан, кыралаан туттан саҕалаабыппыт. Онно дьоммут
барахсаттар биэнсийэлэриттэн анаан мунньан ууруммут харчыла-
рын соһуччутук бэлэх оҥороннор, онно бэйэбит эбэн, былырыын
икки массыына турар уонна кэҥэс мал-сал уурар хостоох гарааһы
туттубуппут. Ити учаастакпытыгар сааскы, күһүҥҥү өрөбүллэрби-
тигэр кэлэн чэйдээн, сынньанан барааччыбыт. Эһэбит ити сирбитин
үрдүк, кураанах, тулата киэҥ-куоҥ, салгыннаах диэн сөбүлүүрэ, ту-
туу ыытарга кэккэ сүбэлэри биэрэрэ. Аны маһы устуруустуур ста-
ногу, хас даҕаны сытыы сүгэни уонна оту охсор мотуордаах хотууру
ылан бэлэхтээбитэ. Ити эрэ буолбатаҕа, урукку да сылларга саҥа
таас дьиэлэнэрбитигэр, миэбэли, массыынаны ылынарбытыгар мэл-
дьи үбүнэн-харчынан үгүс көмөнү оҥороллоро. Онтон эбэлээх эһэ-
бит биһиги кыргыттарбытын, олох кыһыл оҕо эрдэхтэриттэн тэҥҥэ
бүөбэйдэһэн, көрөн-истэн, сайыннаран улаатыннарсыбыт өҥөлөрө,
көмөлөрө диэн тылынан этиллибэт сүдү буоллаҕа.
Сайыҥҥы өттүгэр Бороҕоҥҥо тиийдэхпитинэ, Иван Михайлович
өрүү айылҕа кэрэ-бэлиэ сирдэригэр таһааран сынньатааччы. Онно
эһэбит сахалыы сиэри-туому тутуһан сирин-уотун аһатара, онтон бад­
минтон, мээчик оонньуурбут, аһыы олорон сирин-дойдутун гуһунан