Page 50 - Улуус спордун үйэтиппит учуутал, тренер. Иван Жирков

Улуус спордун уйэтиппит учуутал, тренер

улахан кыыс куоракка олороллоро: Лена үлэлиирэ, Варя үөрэнэрэ. Ол
сыл бүтэһигэр Саҥа дьыл буолаары аҕай турдаҕына, уолларын Ваня
туһунан соһумар хобдох сураҕьт истэн наһаа хомойбуппут. Бу таптал-
лаах оҕолорун сүтэрбит ыар аһыылара Иван Михайлович доруобуйа-
тын улаханнык кэбирэппит буолуохтаах дни саныыбын...
Кэнники сылларга Иван Михайловичтаах куоракка дьиэ атыы-
лаһан, онно кыстыыр буолбуттара. Улуу Эбэҕэ паром сырыыта
саҕаланнаҕына оҕолорун, сиэннэрин сынньата диэн ахтьтлҕаннаах
Бороҕонноругар сайылыы кэлээччилэр. Биһиги, сыттык-сьтҥаһа
ыаллара, кинилэр көһөн кэлэллэрин өрүү кэтэһэрбит. Улахан кыыс-
тара Лена Мииринэйгэ олорор буолан, бүтүн дьиэ кэргэнинэн дэҥҥэ
кэлэн бараллара. Сайынын сиэн уол Нестер кэлээччи.
Ыкса ыаллаһан иллэхтик олорорбут туоһутунан маннык биир хо-
лобур баар: биирдэ миигин Иван Михайлович: «Үбүлүөйбүн ыыт»,
- диэн көрдөһөн соһуппута уонна үөрдүбүтэ. Ол итэҕэйэн уонна
эрэнэн эппитин толорбутум, кини өрөгөйдөөх киэһэтэ үөрүү-көтүү
аргыстаах этэҥҥэ ааспыта.
Кэнники сылларга Иван Михайлович улууспут чулуу спортсмен-
нарын туһунан элбэх хаартыскалаах, биографическай не хоһоонноох
улахан кинигэни түмэн бэчээттэтэн таһаарбыта. Өссө кыраайы үөрэ-
тэр музейбытыгар «Улуус спордун Албан аата» диэн туспа саалаҕа
баай ис хоһоонноох экспозиция-быыстапка матырыйаалын барытын
бэйэтэ эрдэттэн хомуйан, үлэ бөҕөтүн көрсөн, бэлэмнээн дьону-
гар-сэргэтигэр билиһиннэрбит улахан үтүөлээх. Кини бу сүҥкэн үлэ-
лэринэн улуус спортсменнарын олохторун, кинилэр ситиһиилэрин
үйэтитиигэ кылаата олус улахан.