Page 51 - Улуус спордун үйэтиппит учуутал, тренер. Иван Жирков

Иван Михайлович кэргэнинээн Мария Никоновналыын ыал буо-
лан олорбуттара 50 сылын - кыһыл көмүс сыбаайбаларын - 2018
сыллаахха атырдьах ыйыгар Бороҕоҥҥо бэлиэтээбиттэрэ. Туох баар
чугас-ыраах аймахтарын, бэтэрээн спортсменнары, доҕотторун-
атастарын мунньан олус үчүгэй бырааһынньыгы тэрийбиттэрэ.
Иван Михайлович 25 сыл анараа өттүгэр «Абылаҥ» диэн бэтэрээн
спортсменнар кулууптарын тэрийэн аспыта. Манна дуобаты, саахы-
маты, уксааны сөбүлээччилэр мустан иллэҥ кэмнэрин көдьүүстээх-
тик атаарар буолбуттара. Бу түмсүүтэ билиҥҥээҥҥэ диэри улэлиир,
ону кини куораттан олорон да дьаһайар, салайар этэ. Хас бырааһын-
ньык аайы турнирдары тэрийэн күрэхтэһэллэрэ, онно мэтээл, би-
риис бөҕөтө оонньоноро. Сайын саҕаланыыта Иван Михайлович
куораттан кэллэ да, бары тэринэн, астаах-үөллээх айылҕаҕа сынньа-
на бараллара. Ол тэрээһиннэрэ сыллааҕы үлэлэрин отчуота курдук
эмиэ буолара. Онно баран күрэхтэһэн, ирэ-хоро кэпсэтэн, үөрэн-
көтөн аҕай кэлэллэрэ. Бу сэргэх түмсүүтүн үлэтин туһунан кинигэ
таһаараары былааннанар быһыылааҕа да, баттаспата. Дьон ахтыы-
ларын кэмигэр биэрэн испэттэрэ атахтаатаҕа...
«Оҕонньотторбут сарсын, дьэ, мусталлар үһү», - диэн сураҕы
иһиттибит даҕаны, ас астааһын түбүгэ саҕаланара. Иван Михайло­
вич кулуубун хас биирдии киһитигэр анаан хоһоон суруйбут буо-
луон сөп, арааһа. Холобур, биһиги аҕабытыгар Анатолийга анаан
«Сүүрүүк Толя» диэн хоһооно баар.
Иван Михайлович тапталлаах кэргэнэ, биир санаалааҕа, эрэллээх
көмөлөһөөччүтэ Мария Никоновна ити ааттаммыт улахан үлэлэргэ
быһаччы кыттыыта элбэҕэ саарбаҕа суох. Олох барахсан икки май-
гыннаһар, айар-тутар дьоҕурдаах, дьаныардаах үлэһит дьону, дьэ,
булан тиксиһиннэрэр да эбит. Кинилэр киһи бары өттүнэн үтүө хо­
лобур оҥостор ыаллара этилэр.
Иван Михайлович биһиэхэ уонна Миисэлээххэ «оҕолоргутугар,
сиэннэргитигэр анаан» дии-дии наһаа бөҕө-таҕа, ылбаҕай көрүҥнээх
дьоҕус ыскамыайкалары оҥорон бэлэхтээбитэ. Онтукабытын кы-
рааскалаан, сыа-сым курдук тутан, өйдүү-саныы сылдьар гына уура
сылдьабыт. Сиэннэр кэллэхтэринэ олбох оҥорон олордобут, оонньо-
тобут.
Кэнники Иван Михайлович ыарытыйар буолбута. Эпэрээссийэ,
эмтэнии бөҕөнү ааһарын истэн, манна бары ыаллара тэҥҥэ долгуйар
этибит. Олоҕун аргыһа Мария Никоновна өйөөн-убаан, көрөн-истэн,
аттыгар баар буолан, олоҕун уһатта диэтэххэ, киһи сыыспата буолуо.