Page 70 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер

Ытыктыыр учууталым этэ

Оҕо эрдэхпиттэн биһиги республикабытыгар Уус
Алдан оройуона олус күүстээх хайыһардьыттарынан
биллэр диэни истэ, киэн тутта улааппытым. Ол кур-
дук, биһиги ытыктыыр учууталбыт Иван Михай­
лович Жирков Уус Алдан улууһун биир чаҕылхай
спортсмена, биллэр-көстөр хайыһардьыта буолар.
Бу ахтыыбар, бэйэм көрүүбүнэн, ааспыт дьылла-
ры - Бороҕоннооҕу ДЮСШ, таптыыр Курбуһаҕым,
ытыктыыр учууталым Иван Михайлович үлэтин
уонна хайыһар диэн спорт биир бэртээхэй көрүҥүн туһунан дьом-
мор-сэргэбэр сырдатан, ахтан-санаан ааһыахпын баҕарабын.
Мин Курбуһахха начаалынай кылаастарга үөрэммит сылларбын
- оҕо сааһым саамай дьоллоох кэминэн ааҕабын. Манна бастакы кы-
лаастан алтыс кылааска диэри үөрэммитим, ол кэмнэргэ Курбуһах
Уус Алдаммытыгар биир саамай спортивнай бөһүөлэгинэн биллэрэ.
Ис сүрэхпититтэн таптыыр Курбуһахпыт спортсменнара хайыһарга,
чэпчэки атлетикаҕа оройуоҥҥа эрэ буолбакка, республикаҕа тиийэ
үрдүк ситиһиилэнэр кэмнэрэ диэтэхпинэ сыыспатым буолуо. Ол саа­
май кэрэ, сырдык ыралаах кэмҥэ үөрэммит эбиппин диэн билигин
махтана эрэ саныыбын.
Биир түгэни олус дьэҥкэтик өйдүүбүн, ол туһунан кэпсиим.
Сааскы каникул саҕана биһиэхэ, Курбуһахха, наһаа улахан хайыһар
күрэхтэһиитэ, киэҥ-куоҥ далааһыннаах спорт бырааһынньыга буол-
бута. Хайыһарга ССРС аатырбыт спортсмена, спорт үтүөлээх маас-
тара, олимпийскай чемпион Павел Колчин бэйэтэ-бэйэтинэн тиийэн
кэлбитэ, онно кини баар кэмигэр оройуон оҕолоругар хайыһарга
күрэхтэһиини тэрийэн ыыппыттара. Маны таһынан ол күрэхтэһии-
гэ эр дьон, оройуон бары оскуолаларын хайыһардьыттара кэлэн,
кыттан күрэхтэспиттэрэ. Биһиги, кыра оҕолор, бэйэбит бөһүөлэкпи-
титтэн, оскуолабытыттан кыттар оҕолорго, кинилэри кытта тэҥҥэ
кэккэлэһэ сүүрэ сылдьан, «ыалдьыбыппыт». Билигин санаатахха,
хайыһардыырга наһаа да үчүгэй, тупсаҕай трассаны оҥорбуттар
эбит. 5 км-даах, 10 км-даах диэн ыарахан соҕус, спортивнай хайы-
һарга оччотооҕу кэмҥэ суох үрдүк сыырдардаах, түһүүлэрдээх, кии-
риилээх-тахсыылаах трассаны кыһыны быһа бэлэмнээбиттэрин өй-