Page 71 - Улуус спордун үйэтиппит учуутал, тренер. Иван Жирков

дүүбүн. Дьэ, ол бырааһынньыкка аар-саарга аатырбыт Павел Колчин
кэлбитигэр бөһүөлэккэ наһаа улахан бырааһынньык буоллаҕа дии,
ону кырдьаҕастар билигин бары да өйдүүллэр, саныыллар.
Бу күрэхтэһиигэ Курбуһахтан эдьиийим бииргэ үөрэммит уолат-
тара Сэмэн Крылов, Алексей Пестряков оскуола чиэһин көмүскээн
сүүрбүттэрэ харахпар бу баар курдук. Биһиги, оскуола кыра уолат-
тара, ол саҕана эмиэ хайыһардыырбытын олус сөбүлүүр этибит.
Трассанан, кытыынан, онон-манан сүүрэкэлии сылдьан оскуолабыт
аатыттан күрэхтэһиигэ кыттар оҕолорго ыраахтан ыһыытаан-хаһыы-
таан, кинилэри аҥаардас харахпытынан көрөн көмөлөһөн, кинилэр
үчүгэйдик сүүрэллэрин астына көрөн, үөрэн-көтөн дьиҥнээх «бо-
лельщиктар» курдук буолбуппутун наһаа үчүгэйдик өйдүүбүн. Бу
мантан ыла, бэйэбэр хайыһардыыр олус туһалаах, үчүгэй эбит, мин
эмиэ сүүрүөхпүн наада диэн күүстээх санаа киирбитэ.
Бороҕоҥҥо улахан кылаастарга үөрэнэ киириэхпэр диэри Кур-
буһахха наар хайыһардыырбын сөбүлүүрүм. Онтон кэлин Бо-
роҕоҥҥо көһөн киирэн баран, спортан тэйбэккэ, спорт саалатыгар
биир күнү көтүппэккэ сылдьар этим. Ол сылдьан тохсус, онус кы­
лаастарга Бороҕоннооҕу оҕо спортивней оскуолатыгар хайыһар от-
делениетыгар дьарыктаныахпын баҕарбытым. Онно оруобуна Иван
Михайлович тренеринэн үлэлиир кэмэ этэ уонна оскуолабытыгар
уонна республикаҕа даҕаны хайыһарга саамай чаҕылхай күрэхтэ-
һиилэр буолбуттара. Мин хайыһар эйгэтэ сайдан турар уонна Бо-
роҕоннооҕу ДЮСШ-быт иитиллээччилэрэ, хайыһардьыт оҕолоро
саамай ситиһиилээх, чаҕылхай кэмнэригэр түбэспит дьоллоохпун.
Ол курдук, хайыһарга Бороҕон, оройуон эрэ чиэһин буолбакка, рес­
публика чиэһин кытта көмүскүүр уолаттар уонна кыргыттар: Коля
Костромин, Коля Стрекаловскай, чаҕылхай хайыһардьыт кыыс Рим­
ма Крылова, Костя Дегтярев, Миша Мигалкин, Проня Харитонов
курдук талааннаах оҕолор Иван Михайловичка дьарыктаммыппыт.
Иван Михайлович учуутал киһи, эдэр ыччаты иитэр специалист буо-
лан, бэйэтэ туспа методикалардаах этэ. Күһүнүн хаар түһүөр диэри
таһырдьа кросс сүүрэр этибит, онтон хаар түстэ даҕаны, ол саҕана
биһиэхэ анаан сана тэриллибит хайыһар кыһыҥҥы баазатыгар дьа-
рыктанарбыт. Тымныы кэмҥэ баазаҕа тахсан сылаас дьиэттэн киирэ-
тахса сылдьан бэркэ эрчиллэр этибит.
Кыһыҥҥы кэмҥэ Иван Михайлович эмиэ туспа дьарыктыыр ньы-
малаах этэ. Ол курдук, Сахабыт сирин аам-даам тымныыларыгар дьа-
рыкпытын тохтоппокко, уопсай күүһү-уоҕу сайыннарыыга эрчиллэр