Page 78 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
Чуумпу акыйаан устун тайфун эргийэ сылдьар. Ол тайфуну «Корея,
Сахалин туһаайыытынан иһирдьэнэн кэлэн ааһар, айан суднолары-
гар кутталлаах» диэн икки күнү быһа нууччалыы эттилэр.
Онтон биирдэ советскай араадьыйаҕа: «Балыктыыр суднолары
таһаарыҥ, тайфун тас өттө ураган, ол тас өттө бураан түһэр», - диэн
алта чаас хаалбытын кэннэ этэллэрин иһиттибит. Муораттан намыһах
баҕайы халыҥ былыт саба барыйан кэлэн күнү бүөлээн кэбистэ. Киһи
эрбэҕин аҥаарын саҕа улаханнаах хаар түһэн намылыппытынан бар­
да. Былыт биир сиргэ турар. Күнүскү аһылыкпытыгар 15 миэтэрэ тэ-
йиччи турар остолобуойга түөрт киһи тэҥинэн түһэн, солбуһа сылдьан
күрдьэҕинэн хаар эһэннэр, икки чаас курдугунан тиийдибит. Хаар
оннук хойуутук түһэр. Биир күрдьэҕи эһиэххэ диэри, күрдьэх аҥаара
үөһээттэн түһэ турар. Улахан дьон үлэлииллэр. Оҕолор, дьахталлар
кэтэһэбит. Төннөрбүтүгэр биир оннук айан буолла. Киэһэ холлороон
хаһан, өссө лаампалардаах провод тардан аһаатыбыт. Кыл-мүччү кии-
рэрбитин кытта холлорооммут сиҥнэн хаалла.
Ол түүн куораттан кэлэр электролиния уота быстан, сарсыар-
да тоҥон уһугуннубут - хочуолунайбыт уотунан үлэлиир эбит.
Үҥкүүлүүрбүт тохтоон хаалла. Ааммыт кыратык аппайарынан хаа-
ры тарыйан ылан, 92 киһиэхэ соҕотох үс лиитэрэлээх чаанньыкка уу
оргуталлар. Күнүс түөрт чаас диэки иккилии киһиэхэ биирдии ба­
лык кэнсиэрбэтин, биирдии быһыы килиэби биэрдилэр. Таас муос-
таҕа табаар дьааһыгын үлтү сынньан, онно уот оттон чаанньык ор-
гутабыт. Уу кэмчи.
Киэһэ хойут дьон сүбэлэһэллэрин иһиттим. Маннык саҕалан-
наҕына дьон хоргуйууһук, онон сарсыарда түөрт киһини «куоракка
тыллата уонна ас ыллара ыытыахха» диэн быһаардылар. Оччону ис-
тибит 19 саастаах киһиэхэ «романтика» буоллаҕа дии.
Дойдубуттан бииргэ кэлбит аҕа саастаах киһим Иван Михайло­
вич Жирков олох көҥүллээбэт: «Эйигин тыал муораҕа үрэн киллэ-
риэҕэ. Дьоҥҥор мин туох диэхпиний?» - диир. «Оччоҕуна «бэйэм
бардым» диэн расписка биэрэбин, тыал муораттан үрэр буолбат
дуо?» - диэн саайдым уонна хоспор тиийэн расписка суруйан аҕал-
лым. Үлүйэ-үлүйэ утуйдубут. Аччык аҥаардаах буоламмыт, уубут
кэлэн биэрбэт.
Арай сарсыарданан уум быыһынан иһиттэхпинэ, дьон ботур-бо-
тур кэпсэтэллэр, көрүдүөр устун оргууй аҕай хаамсаллар, онтон тас
аан тыаһаата. Онно били барсыах буолбуппун дьэ, өйдүү биэрэн,
ойон турдум. Иван Михайлович утуйа сытар быһыылаах, тус-туһунан