Page 83 - Улуус спордун үйэтиппит учуутал, тренер. Иван Жирков

кэлин оройуоҥҥа спорт кэмитиэт бэрэссэдээтэлинэн үлэлээбитэ),
иккискэ - Ваня Жирков, үһүс түһүмэххэ Проня Крылов сүүрбүттэрэ.
Дүпсүннэр хамаандаларыгар күүстээх сүүрүүктэрин туруорбуттар
этэ. Ол эрээри мүрүлэр олох ырааҕынан быраҕан бастаабыттара. Ол
оннугар Дүпсүн оскуолатыттан кыргыттар хамаандалара ити күрэх-
тэһиигэ лаппа кыайыылааҕынан буолбуттара. Иван Михайловиһы
бастаан бу хайыһар күрэхтэһиитигэр көрбүт эбиппин.
Хайа баҕарар эдэр учууталга маҥнайгы үлэлээбит сирэ-уота,
оскуолата, үөрэппит оҕолоро күндү, умнуллубат буолаллар. Иван
Михайлович аҕата Мэхээлэ биһиэхэ, Дүпсүҥҥэ почта начальни-
гынан үлэлиирэ, онон педпрактикатын үһүс, төрдүс чиэппэрдэргэ
Дүпсүн оскуолатыгар барбыта.
Эһиилигэр үөрэҕин бүтэрэн, дьиҥнээх учуутал быһыытынан кэлэн,
үлэтин тигинэччи саҕалаабыта. Оччолорго кыра нэһилиэктэргэ орто
оскуола аһылла илик буолан, Найахы, Баатаҕай, Өнөр нэһилиэктэриттэн
үгүс оҕо биһиги оскуолабытыгар үөрэнэ кэлэрэ. Тохсус, онус кылаас-
тарга биир кылааска отуччаҕа чугаһыыр оҕо үөрэнэр буолара.
Спортсаалабыт сарсыардаттан киэһэ хойукка диэри тохтоло суох
график быһыытынан үлэлиирэ. Иван Михайлович бэйэтэ хайы-
һардьыт уонна чэпчэки атлет буолан, онно дьоҕурдаах, баҕалаах
оҕолору талан утумнаахтык дьарыктаан барбыта. Бэйэтэ бэрт ки-
чэллээх, эппит бириэмэтигэр лоп курдук баар буоларын иһин оҕолор
бары да сөбүлээн, ытыктаан барбыппыт, кини тылыттан тахсыбат
этибит. Хайыһар суолун үктүүргэ бэйэтэ бастыыра, биһигини кус
оҕолорун курдук батыһыннартыыра. Сорох сиргэ бытааран, сороҕор
түргэтээн, ордук сыыры тахсыыга күүскэ үлэлэтээччи. Улахан, үрдүк
сыырбыт суох да буоллар, сылаалаах этэ.
Биһиги хаалымаары тыын быһаҕаһынан саппай уопсубута буо-
ларбыт. Ити «эрчиллиибит» кэлин күрэхтэһиилэргэ олус туһалыыра.
Онус кылааска үөрэнэ сылдьан хайыһарга оройуон үрдүнэн
бастааммыт, республика күрэхтэһиитигэр киирсэн, оскуола оҕоло-
ругар Ленскэй хамаандатын кэнниттэн иккис миэстэ буолбуппут.
Саас аайы Улуу Кыайыы күнүгэр аналлаах «Ленинскэй тэри-
йээччи» хаһыат бирииһигэр эстафета ыытыллара. Онно кыттарга
бэлэмнэнэн дьарык бөҕө буоларбыт. Сарсыарда аайы 7 чааска спорт-
саалаҕа мустан сэрээккэлээн, кросстаан, мээчиктээн эппитин-хаам-
мытын уһугуннарарбыт. Иван Михайлович эрчиллэр ноҕуруускабы-
тын барытын кумааҕыга суруйан эрдэттэн түҥэтэн кэбиһэрэ. Үөрэх
кэнниттэн, график бэрээдэгинэн, ким-ханнык дистанцияҕа сүүрэ-