Page 76 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
Аны бу хайыһар баазата үлэтэ толору көдьүүстээх буолара, ис-тас
үлэтэ, кирпииччэ оһоҕун кыһыны эргиччи оттуу - барыта Иван
Михайлович эбии үлэтэ буолбута. Биһиги атын оройуон оҕолоро
тымныыга хаайтаран олорор кэмнэригэр, таһырдьа -40, -45 кыраа-
дыска, саас олох эрдэ хайыһардыыр кыахтаммыппыт. Бааза таһыгар
тыалтан күлүктээх, тыа иһигэр кылгас хайыһар суоллаах этибит,
баазабытыгар киирэн иттэ-иттэ ол суолунан элбэх килэмиэтири
хайыһардаатахпыт буолуо. Дьэ, түүн иһигэр тоҥ хаһаа буола охсубут
баазабытын, биһиги үөрэх кэнниттэн кэлэн дьарыктанарбытыгар
сылытан бэлэм оҥороору, тренербит хас күн аайы олох эрдэ Бороҕон
илин уһугуттан сатыы кэлэн инчэҕэй маһынан оһоҕун отторо. Онон
оҕолор кэлэрбитигэр баазабыт сылаас, хайыһарбыт бачыыҥкалара
оһох тула кэчигирээн сылыйан турар буолаллара. Ол иһин даҕа-
ны, тренербит биһиэхэ кыһамньытын өйдөөн, дьарыкпытын олох
көтүппэт этибит. Өссө бу базаҕа саас аайы Бороҕон олохтоохторо
күргүөмүнэн тахсан хайыһар уларсан көхтөөхтүк хайыһардыыллара,
кыһыҥҥы ГТО нуормаларын туттараллара.
Ситиһиилэрбит Иван Михайлович былааннаабытын курдук кэ­
лэн барбыттара. 1973 сыллаахха саас кулун тутар бүтүүтэ Дьокуус-
кайга оскуола оҕолоругар хайыһарга республика күрэхтэһиитигэр
хамаанданан бары оройуоннары, куораттары кыайан, аан бастаан
оройуоммутугар кыайыы Куубагын аҕалан тренердэрбитин кытта
үөрбүппүт-көппүппүт, бу баар курдук. Эһиилигэр бу кыайыыбы-
тын хатылаабыппыт. Бу сыллар, билиҥҥинэн эттэххэ, биһиги оро-
йуоммут оҕолорго хайыһарынан сүүрүүгэ хамаандатын «сулустаах
кэмнэрэ» этилэр. Бу ситиһиилэри биһиги кэннибититтэн кэлбит оҕо-
лор салҕаабыттара. Онно барытыгар тренербит Иван Михайлович
тэрийбит, туппут бөҕө акылаата тирэх буолбута.
Иван Михайлович сааһыран да баран таах олорботоҕо, дойдубут
спорка историяты н суруйан үйэтитэр олус наадалаах үлэнэн дьа-
рыктаммыта. Ол курдук, У ус Алдан улууһун спордун историятын
үөрэтэн, элбэх матырыйаалы хасыһан чинчийэн, түмүгэр «Уус Ал­
дан чулуу спортсменнара» диэн бэртээхэй кинигэни таһааттарбыта,
сүүһүнэн ааҕыллар улуус спортсменнарын ааттарын үйэтиппитэ.
Аны улууспут спордун сырдатар, үйэтитэр тиһэх үлэтэ өссө биир
бөдөҥ кинигэ буолан тахсаары сытар.
Мин кэнники сүрүннээн чэпчэки атлетиканан, уһун дистанция-
ларга сүүрүүнэн дьарыктаммытым. Республика күрэхтэһиилэригэр,
Манчаары Баһылай спартакиадаларыгар кыайталыы сылдьыбы-