Page 74 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер

Ытыктыыр тренерим туһунан ахтыы

Иван Михайлович Жирков мин олохпор Бороҕон-
нооҕу спорт оскуолатыгар хайыһар сиэксийэтигэр
дьарыктана киириэхпитгэн баар буолбута. Ити мин
бэһис кылааска үөрэнэр кэммэр, 1968 сыл күһүнүгэр
этэ. Иван Михайлович хара маҥнайгыттан биһиги
иннибитигэр туох соруктары туруорарын, ол сыалла-
ры ситиһэрбитигэр, дьарыкка хайдах сыһыаннаһыах-
таахпытын быһааран, өйдөтөн дьарыгын саҕалаабыта.
Дьарыктарбыт Аччыгый алаас хайыһарын суо-
лугар олох эрдэттэн күөл мууһа тоҥоотун кытта саҕаланаллара.
Кыһын тымныы кэмнэргэ оскуолабыт кыра да буоллар, элбэх араас
таһымнаах күрэхтэһии буолар спорт саалатыгар ыытыллаллара.
Иван Михайлович дьарыктарын оҕону тардар гына, ноҕурууска
быыһыгар араас оонньуулары киллэрэн биэрэн, биир тэтимнээхтик
ыытара, биһиги дьарык бүппүтүн билбэккэ хааларбыт. Ол гынан ба­
ран бары сөптөөх былааннаммыт ноҕуруусканы ыларбыт. Дьарык-
тан улаханнык сылайбыппын, саллыбыппын олох өйдөөбөппүн.
Тренербит Иван Михайлович ол курдук дьарыктарын хас би-
ирдии оҕо туругун, кыаҕын учуоттаан ыытара. Бастаан, буоларын
курдук, оҕо ахсаана элбэх этэ, ол кэнниттэн чыыскаланан, сии-
дэлэнэн, чахчы хайыһар спордунан дьарыктаныан баҕалаахтар эрэ
хаалбыппыт. Дьарыктарбыт сыыйа ноҕуруускалара улаатан, сыалла-
ра чопчуланан барбыттара, саҥаттан-саиа дьарыктар, хамсаныылар
киирбиттэрэ. Олох элбэхтик имитациялары оҥоруу киирбитэ, Иван
Михайлович хайыһардааһын техникатыгар улахан болҕомтотун уу-
рара, ону чочуйара уонна биһигиттэн ирдиирэ.
Билигин ааспытын кэннэ санаатахха, Иван Михайлович хара
маҥнайгыттан бэйэтин иннигэр улахан сыалы-соругу туруорунан,
республикаҕа хамаанданан лидердэр ахсааннарыгар киирэр гына
былааннанан үлэлээбит эбит. Ол саҕана республикаҕа хайыһарга
оҕолор ортолоругар Алдан, Ленскэй, Өлүөхүмэ, Дьокуускай куорат
хамаандалара инники күөҥҥэ сылдьаллара.
Бастакы ситиһиилэр биһиги 7-с, 8-с кылаастарга сылдьар кэм-
митигэр кэлбиттэрэ. Ол курдук сыл аайы күһүн сэтинньигэ Алдан
куоракка ыытыллар республика спорт оскуолаларын хайыһарга
биирдиилээн уонна хамаанданан күрэхтэһиилэригэр 2-с, 3-с миэстэ