Page 80 - Улуус спордун үйэтиппит учуутал, тренер. Иван Жирков

Улуус спордун уйэтиппит учуутал, тренер

Халыя былыт дьайҕаран, халлааммыт көстүтэлээн ааһыталаата.
Биир хаптаһыны олох чугаһынан ааһан иһэн көрбүппүт - аттынан
оһох турбата хоройор эбит. Кэннибитин хайыһан көрбүппүт - дириҥ
умуһах оҥойо сытар, саҥа дьиэ көҥдөйө тутуллубутун икки хаамыы
аттынан ааспыт эбиппит.
Ол курдук айаннаан, дэриэбинэ маҕаһыыныгар кэлэн итиннибит,
ибис-инчэҕэй үтүлүкпүтүн батареяҕа ууран куурда сатаатыбыт.
Маастар Виктор Иванов, кандидат Виктор Твердохлебов, тренер-
бит Кочетков буолан түөрт рюкзакка төһөнү сүгэрбитинэн хара ки-
лиэп, томат сота, селедка кэнсиэрбэ атыылаһан, кэлбит суолбутунан
төнүннүбүт. Хаар тибэрэ тохтоон, тыалбыт мөлтөөн, күммүт тахсан
кэллэ. Барарбытыгар ким да көстүбэт этэ. Онтон төннөрбүтүгэр дэ­
риэбинэ олохтоохторо маннык буурҕаҕа үөрүйэх буолан, үлэ-хамнас
бөҕө буола сылдьаллар эбит.
Кырыыһа иһинэн таһырда тахсаннар, бастаан ыалларын, онтон
бэйэлэрин ааннарын аһыллар тына хаарын ыраастыыллар эбит. Ол
аат буурҕа түстэр эрэ, уочаратынан бэйэ-бэйэлэрин быысаһар үлэх-
тээхтэрин биһиэхэ быһаарбыттара.
Эбиэттэн киэһэ дьиэбитигэр кэлиибитигэр тыала астан, күн
чаҕылыччы тыган, тула өттүбүт барыта куба түүтүн курдук ыраас
хаарынан бүрүллэн, туох да буолбатаҕын курдук налыйан турда.
Тыал үрэр өттүгэр дьиэбит иккис этээһин түннүгүн ортотунан
күлүк өттүгэр бастакы этээс өһүөтүн үрдүнэн хаар типпит. Дьоммут
тахсаннар аан таһынааҕы хаары күрдьэ сылдьаллар. Электричество
уота номнуо холбоммут. Үөрэ-көтө хара килиэби охсон кэбистилэр,
оҕо, дьахтар өттө (ирээри да буолуо) үҥкүүлээбитинэн бардылар.
Эр дьон бары солбуһа сылдьан остолобуойга диэри траншея хасты-
лар, алта чаас саҕана сылаас миин истибит. Киэһэ аҕыс чаас ааһыы-
та куораттан байыаннай танкетка кэллэ. Ресторантан икки бидон
миин, биир бидон кэтилиэт аҕалбыт. Ону кытта били хамнастаах
хаар күрдьээччибит кэлсибит. Кини байыаннай гарнизонна тиийэн
үс күнү быһа хоргуйдубут, 90 киһи сыталлар диэн тыллаабыт. Ба-
йыаннайдар уот быстыбыт сирин тута булан холбообуттар. Маннык
түбэлтэҕэ буурҕа (Сахалиҥҥа бураан диэн ааттыыллар) түстэҕинэ,
уобалас иһигэр үгэс курдук «Суһал көмө» штаба тэриллэн сэттэ тан­
кетка дьуһуурустубалыыллар эбит.
Тыала күүһэ бэрт этэ. Түөрт киһини тиэммит таксины асфальт
суолтан 60 м туора үрэн таһааран түҥнэри быраҕан кэбиспит. «Суоп-
пардарын тыллата ыыппыттара - икки км сиргэ тиийэн тоҥон өлбүт.