Page 85 - Улуус спордун үйэтиппит учуутал, тренер. Иван Жирков

Учуутал өрүү учуутал

Кэриэстэбил ахтыыны суруйар хаһан баҕарар
ыарахан эрээри, эн ытыктыыр, истиҥник саныыр
учууталыҥ дьон өйүгэр-санаатыгар үйэтитиллэ-
рин туһугар суруйаҕын, ол биһиги, кини үөрэнээч-
чилэрэ уонна иитиллээччилэрэ, мүччүрүйбэт ытык
иэспит дни саныыбын.
Спорт диэн тугун-ханныгын оскуолаҕа үөрэнэ
сылдьан аан бастаан билбитим. Бу аптаах дьарык-
ка бастакы харды ылары оҥорорбор сүдү үтүөлээх
киһинэн, Дүпсүн орто оскуолатыгар физультура учууталынан үлэлээ-
бит Иван Михайлович Жирков буолар. Ол кэмҥэ спорт нэһилиэнньэ
ортотугар балай да киэҥник тарҕанан эрэр кэмэ быһыылааҕа. Мин
эдьиийим Татьяна Ивановна Ушницкая араас таһымнаах хайыһар
күрэхтэригэр кыайан-хотон кэлэрэ. Ол иһин буолуо, 5-с кылааска
үөрэнэ сырыттахпына, оройуоҥҥа күрэхтэһиигэ бараҕын диэтилэр.
Оскуола грузовой массыынатыгар тиэллэн күрэхтэһиигэ бардыбыт.
Оройуоммутугар Советскай Сойуус аатырбыт хайыһардьыттара,
олимпийскай чемпионнар Алевтина уонна Павел Колчиннар ыал-
дьыттыы кэлбит үрдүк чиэстэригэр кинилэр туруорбут бириистэри-
гэр улахан күрэхтэһии тэрилиннэ. Киһи бөҕө мустубута, олох спорт
бырааһынньыга буолбута. Мин кыра группаҕа 2 км сүүрэн бастакы
миэстэни ылан дипломунан уонна суруктаах «Медный всадник» ста-
туэтканан наҕараадаламмьггым. Үөрүү улахана онно этэ: хайыһарга
бастакы күрэхтэһиибэр - бастакы кыайыым!
Хайа баҕар коллективка эдэр, үрдүк үөрэҕи саҥа бүтэрбит үлэһит
кэлиитэ сонун буолар. Саҥа киһиттэн элбэх кэрэни-үтүөнү күүтүү,
сэргэхсийии буолара биллэр. Коллектив да, оскуола да оҕолоро
бары сэргэхсийбиппит, элбэх саҥа сүүрээни кэтэспиппит. Ол итэ-
ҕэли учууталбыт Иван Михайлович үтүө суобастаахтык толорбу-
та. Физкультура уруоктарын кэтэһэр, сөбүлүүр уруокпут буолбута.
Дьиҥнээх педагог буолан, үлэтин сыалын-соругун дьэҥкэгик өй-
дүүрэ, оҕо эт-хаан өттүнэн толору сайдыахтаах диэн үүнэр көлүөнэ
чэгиэн-чэбдик буоларын ситиһэр дьаныардааҕа. Уруоктарга оҕону
умсугутара, саҥаттан саҥа эрчиллиилэри оҥоттороро, спорка тар-
дыһыыны, интэриэһи күүһүрдэрэ.