Page 86 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
Сарсыарда 7.30 ч. оскуола таһыгар дьиэбититтэн сүүрэн кэлэн
сэрээккэ оҥорон барарбьтт. Үөрэх кэнниттэн иккилии-үстүү спор-
тивнай сиэксийэҕээ суруйтаран эрчиллэрбит, онон оҕо үксэ бу саҥа
эйгэҕэ хабыллыбыта. Спортивнай саала хаһан да кураанах турбат
этэ, эрчиллэр оҕолорунан толору буолара. Олус сөпкө аттаран, эр-
чиллиилэр анаммыт бириэмэлэригэр буолаллара, кэмигэр бүтэллэрэ.
Учууталбыт өрүү саалаҕа баар буолара. Аны киэһэ өттүгэр оҕолору
таһынан ыччат, улахан дьон дьарыкка кэлэллэрэ. Ону барыларын
Иван Михайлович эрчийэрэ. Билигин санаатахха, кини сынньанара
дуу, суоҕа дуу...
Ити кэмҥэ Дүпсүн орто оскуолата 100 сыллаах үбүлүөйүн көр-
сөөрү тэрээһин бөҕө буола турара. Куораттан артыыстар кэлэн
ырыаҕа, үҥкүүгэ, духовой оркестрга үөрэтэллэрэ, кыраайы үөрэ-
тэр музей тэриллээри экспонаттары хомуйуу, оскуоланы киэргэтии,
спортивнай күрэхтэһиилэргэ бэлэмнэнии үлэлэрэ күөстүү оргуйал-
лара. Учуутал коллектива, нэһилиэнньэ, оҕолор бары биир санаанан
үлэлээбиппит. Оскуола дириэктэринэн үрдүк тзрээһиннээх, киэҥ
билиилээх, бэйэтин үлэтигэр бэриниилээх, дьону түмэр дьоҕур-
даах күүстээх салайааччы Иван Степанович Колодезников үлэлиирэ,
кини спорка улахан болҕомтотун уурара. Ол курдук, араас таһым-
наах күрэхтэһиилэр элбэх көрүҥҥэ кылаастарынан ыытыллаллара,
ол күүтүүлээх түмүгэ оскуола улахан линейкатыгар тахсара, кыа-
йыылаахтарга наҕараадалар туттарыллаллара.
Оройуоҥҥа ыытыллар спартакиадаларга уонна биирдиилээн
көрүҥнэргэ: хайыһарга, чэпчэки атлетикаҕа, туризмҥа Дүпсүн ос­
куолата мэлдьи бастакылар кэккэлэригэр сылдьара. Ол курдук би-
һиги оскуола кыргыттарга хайыһарга хамаандата тутуспутунан
оройуон сүүмэрдэммит хамаандатыгар киирэрбит уонна республи-
каҕа, зонаҕа буолар күрэхтэһиилэргэ ситиһиилээхтик кыттарбыт.
Холобур, Альбина Корнилова, Варя Алексеева (Новогодина), Нюта
Ушницкая (мин) хас да сыл оҕолорго, онтон кэлин республика «Уро­
жай» обществотыгар оройуон чиэһин көмүскээбиппит, чемпион,
призер буоларбыт. Хайыһарга бастакы, чэпчэки атлетикаҕа үһүс раз-
рядтаах, Уһук Илии регионун орто анал үөрэх тэрилтэлэрин спар-
такиадаларын пятиборьеҕа чемпиона буолбутум. Бу күрэхтэһиилэр
кэлин биһиги улаатан үлэһит буоларбытыгар, олох киэҥ аартыгар
киирэрбитигэр улахан олук, бигэ тирэх буолбуттара: дьиссипилии-
нэ, күннээҕи кытаанах режим, бэрээдэк, дьарыкка элбэхтик көмүс
көлөһүҥҥүн тоҕон эрэ тураҥҥын туруоруммут сыалгын-соруккун