Page 87 - Улуус спордун үйэтиппит учуутал, тренер. Иван Жирков

хайаан да ситиһии, тулалыыр эйгэни, дьону кытта үтүөтүк сыһыан-
наһыы өйдөбүллэрин өссө күүскэ иҥэриммиппит. Бу барыта - биһи-
ги учууталбыт Иван Михайлович үтүөтэ, киэҥ айымньылаах сыра-
лаах үлэтин түмүгэ.
Бириэмэ уу сүүрүгүн курдук тохтоло суох ааһар. Хас биирдии
киһи олоҕо хараҥаны сырдатар, тымныыны сылытар кыракый кыым
дииллэрэ кырдьык. Билигин биһиги кэккэбитигэр учууталбыт барах-
сан суоҕа хомолтолоох. Ол эрээри, кини үөрэппит оҕолорун өйдөрү-
гэр-санааларыгар өрүү баар. Иван Михайлович төһөлөөх элбэх оҕо
сүрэҕэр үөрүү кыымын, дуоһуйуу түгэнин, бэйэҕэ эрэнии кэмнэрин
сөҥөрбүтэ, олохторун суолун булалларыгар күүс-көмө, өй-санаа
буолбута буолуой... Кини биһиэхэ булгуруйбат бөҕө санааны, ыара-
хаттартан дьулайбат буолар тулууру, үрдүк ситиһиилэри көрдөрүүгэ
эрэли үөскэппит киһинэн буолар.
Күндү Иван Михайлович биһиги ытыктыыр учууталбыт, тренер-
бит этэ уонна өрүү даҕаны бэйэтин үтүө холобурунан биһигини сыр-
дыкка-кэрэҕэ угуйа туруоҕа.
Анна Прокопьевна БУРНАШЕВА,
Дүпсүн орто оскуолатыгар үөрэппит
бастакы үөрэнээччилэриттэн биирдэстэрэ,
СӨ норуот хаһаийыстыбитын үтүөлээх үлэһитэ,
СӨ үөрэхтээһиҥнэ, социальнай хааччыйыыга,
государственнай гражданский сулууспаҕа туйгуна,
«Гражданской килбиэн» бэлиэлээ.х,
Дүпсүн, Мүрү нэһилиэктэрин,
Уус Алдан улууһун бочуоттаах олохтооҕо.

Оҕо сааһым умнуллубат түгэннэрэ

Биһиги эдьиийбит Елена Васильевна Жиркова,
Ш
ийэм бииргэ төрөөбүт балта, Иван Михайлович
аҕатын Михаил Васильевиһы кытта бииргэ иитил-
либитэ. Кыра эрдэхпинэ Михаил Васильевичтаахха
сылдьар этим. Мин өйдүүрбүнэн, киэһэ аһылык-
ка бары мустар буоланнар, элбэх баҕайы этибит.
Эдьиийим Елена Васильевна аймахтарыгар уонна
оҕолорго олус кыһамньылааҕа. Ол курдук, улахан
Анна кыыһа Нюта балтым Агаша оҕолоро үөрэнэл-