Page 90 - Улуус спордун үйэтиппит учуутал, тренер. Иван Жирков
P. 90
Улуус спордун уйэтиппит учуутал, тренер
октарыттан, дьарыктарыттан күрээһин, «онно кыттыбаппын, ман-
тым ыалдьар» диэн тыллар ончу иһиллибэт буолбуттара.
Оҕолор сиэксийэлэринэн сылдьан дьоҕурдара, кыахтара аһыллан,
мээчикситтэр, теннисчиттэр, сүүрүүктэр, тустууктар, кылыыһыттар,
куобахчыттар бөҕө кырыы-кырыынан буолбуттара. Холобур, баскет-
болга күрэхтэһиигэ абытайдаах ажиотаж буолара, оскуола бүтүннүү
кыттара, ити күрэхтэһиилэр тыыннарынан эрэ олорор курдук этибит.
Биирдэ саас кылаастар икки ардыларыгар хайыһарга күрэхтэһии
буолла. Миигин хамаандаҕа киллэрэннэр, хаатыҥка хайыһарынан
хас да кыыһы куотан кэллим. Олор истэригэр оскуола сүүмэрдэммит
хамаандатыгар баар кыргыттары кыайбыт эбиппин. Инньэ гынан
үчүгэйдик сүүрбүттэр сиэксийэҕэ хайаан да сылдьарбыт туһунан
күүскэ этилиннэ. Онно кэлэн, дьэ, аан бастаан бачыыҥка хайыһар
кэттим. Улахаттарбыт биһигини, кыралары, дьиибэлииллэрин, тиэ-
хэлииллэрин сөбүлүүр этилэр. Онтон ыла, спорка олоҕум хайыһа-
рын суола тэлиллибитэ.
Учууталбыт хас биирдии оҕоҕо туспа өйдөһөр суолу булар
быһыылааҕа. Дьэ, техника диэн албаска мурун сынтарыйыыта элбэх
буолара, «Алексеева, сана төрөөбүт ньирэй курдук бакыйан ту-
раҕын», - диэн буолара да, тоҕо эрэ өһүргэммэт этим. Хайыһары ма-
астааһын курдук уустук үлэҕэ Спиридон Свешников, Гоша Аржаков
кыргыттарга сыһыарыллан, олох үтүө суобастаахтык сыһыаннаһан
үлэлэрин толороллоро. Бэйэлэрэ - оскуола бастыҥ хайыһардьытта-
ра, мааһы билиигэ учууталларын кытта элбэх сыралара барара. Ол
билиилэрэ күрэхтэһиилэргэ улахан оруолу ылара. Оройуоҥҥа күрэх-
тэһиилэргэ элбэхтик бастаабыт оскуола этибит, онуоха учуутал сы-
рата төһөлөөх барарын Иван Михайлович бэйэтэ эрэ билэн эрдэҕэ.
Кини оройуонна эрэ буолбакка, республикаҕа биллэр хайы-
