Page 16 - Уйэ анаара тустуу сайдыытыгар

рович ийэбин үчүгэйдик билэрэ. Биирдэ ийэм куораттан тахсан
истэҕинэ көрсөн кэпсэппит этэ уонна мин туспунан ыйыталаһан
баран: «Дьарыктанар дуо? Олох дьарыктаннын», - диэбит. Онтон
ылата миигин көрүстэҕинэ быраат диэн ааттыыра.
1973 с. Бүтүн Сойуустааҕы турнирга Бороҕонтон тустан 48 кг
бэһис миэстэ буолбутум. Онно Аркадий Аманатовтыын кэлэн
миигин хайҕаан барбыттара: «Чурапчы оҕолорун үчүгэйдик кыай-
талаатыҥ, доруобуйа хайдаҕый?» - диэн ыйыппыта, быарбынан
ыалдьыбыппын уонна травма ылбыппын истибит этэ. «Олох дьа-
рыктан, доруобуйаҥ да үчүгэй буолуо, тустуугар олох үчүгэй
буолуоҥ», - диэбитэ. Ол күһүн онус кылааска Чурапчыга барбы-
тым. Үөрэнэ сырыттахпына саас Наум кэлбитэ. Оскуолаҕа оҕо-
лор өрүкүйэн олороллор, Наум Ермолаев кэлбит. Кэлэн Дмитрий
Петровичка дьарыктанан барбыта. Нэдиэлэ курдук сылдьыбыта.
Дмитрий Петровичтыын олох үчүгэйдик билсэр этилэр. Наум
Курбуһахха тренердиирэ. Биир нэдиэлэ устата үлэ туһунан элбэх
кэпсэтии барбыт буолуохтаах.
Ити биһиги бүтэһик көрсүһүүбүт эбит. Мин үөрэхпин бүтэрэн
соҕуруу үөрэнэ барбытым. Онно көрдөхпүнэ хайдах эрэ түспэ-
тийэн хаалбыт этэ. Дьиппиэн көрүҥнээҕэ. Улахан баҕайы. Хайдах
62 кг тустубута эбитэ буолла диэн оҕолор кэпсэтэрбит.
Киһи быһыытынан Наум алдьархай сайаҕас, көрдөөх-күлүү-
лээх, элбэх кэпсээннээх буолааччы, наһаа үчүгэйдик ыллыыра,
киэҥ билиилээх киһи этэ. Тустуук быһыытынан өйдүүрбүнэн
үчүгэйдик «мельницаны» оҥороро уонна тобуктаан атахтаан
баран көтөҕөрө, партерга ножница оҥороро.
Үөрэхпин бүтэрэн баран Н.Н. Рожин ыҥырыытынан Курбуһах-
ха тренеринэн үлэлии тахсыбытым. Оскуола директора Николай
Данилович Григорьев этэ. Олорор сир биэрбиттэрэ, Н.Н. Рожин
олорор дьиэтин аҥаарыгар. Ол кэмнэргэ арыыбыт, эппит нуорма,
саамай кыһалҕалаах иһэр уубут этэ. Аспын икки нэдиэлэҕэ
тиэрпэккэ сиэн бүтэрдим. Ый курдук олорон баран убайбар Нико­
лай Александровичтаахха көспүтүм.

14