Page 14 - Сырдык ааккар сугуруйэбит

Шелковников Роман Михайлович
(1900-1990)

Арамаан дьонугар төрдүс оҕонон күн
сирин көрбүт. Кини иннинэ дөксө Даайа

диэн кыыс баара. Тыытыллыбатах

айгыр-силик айылҕаҕа талбыттарынан

күөнэхгээн улааппыт уолаттартан
Арамаан кытыгыраһынан барыла-

рыттан лаппа чорбойоро. Сайынны тот

сылгьшы эт атаҕынан эккирэтэн тутара

үһү.

Дойдуларыттан алаас сиргэ көһөн киирэн Тэбиик нэһилиэгин
Ленин колхоһугар чилиэнинэн киирэр. Сэрии иннинэ

Дабаадыматтан төрүттээх Прибылых Александра Тимофеевнаны

кэргэн ылар. Армияҕа 1942 сыллаахха ыҥырыллыбыт. Улахан
кыыһа Мария ахтыытынан сэриигэ барар бэбиэскэни тутаат

дьиэтигэр бэрт ыксалынан таарыйан ааспыт. Миисэ диэн кыра
уолун бэрт ыксалынан сыллаан-уураан баран аҥар этэрбэһин

хоонньугар уктан барбыт.

Кини сэрииттэн эргиллэн кэлэн баран: “Дойдубун, дьоммун
аҕыннахпына, аһара ыарахан кэмнэргэ оҕом этэрбэһин сыллаан

ыларым, оччоҕо ахтылҕаным ааһарга, күүспэр күүс киирэргэ дылы

буолара”- диэн кэпсиирэ эбит. Арамаан икки сэриини түмүкгээн
1945 сыллаахха дойдутугар этэҥҥэ эргиллибит. Кини

кавалерийскай чааска түбэһэн сэриигэ барар аттары

бэлэмнээһиҥҥэ, айааһааһыҥҥа сылдьыбыт. Акка сыстаҕас,
кыайьҥас-хотугас буолан өрүү холобурга сылдьыбыт. Элбэх

махталы ылбыт. Сэрииттэн кэлээт эмиэ хас биирдии киһи курдук
үлэ үөһүгэр түспүтэ. Ханна үлэ күүстээҕэр, хаалыылааҕар

кыайдаҕына кини кыайыа диэн ыытан иһэллэр эбит.

Промышленноска сыыппара түһэрбиттэригэр хабыллан, Арамаан
Покровскайдааҕы леспромхозка, оройуоннааҕы промкомбинакка

абочай үлэтин чиэстээхтик толорбута.