Page 15 - Сырдык ааккар сугуруйэбит
P. 15
Үлэҕэ үрдүк көрдөрүүлэрин сыаналаан “Үлэҕэ килбиэнин
иһин” мэтээлинэн бэлиэтэммит. Дүпсүҥҥэ оскуола тутуутугар
бастык үлэһит аатыран дьиэ туттарга буруус маһынан
бириэмийэлэммит. Ол маһынан Дабаадымаҕа дьиэ туттубут,
кэлин Дүпсүнҥэ көһөрөн киллэрбитэ. Кэлин сааһыран баран
сылгыһытынан, түүлээхситинэн үлэлээбитэ. Арамаан
убайдарыттан уратыта диэн элбэх саҥалаах-иҥэлээх киһи этэ.
Кини оҕону да кырдьаҕаһы да кытары уопсай тылы булан
кэпсэтэрэ. Дүпсээҕэ Уоттаахха улахан баҕайы балаҕан дьиэ
туттан олорбуттара, онно убайдарын, быраатын оҕолоро
оскуолаҕа үөрэнээри күһүн интернат аһыллыар диэри кэлэн
олороллор этэ. Оччо элбэх оҕо аһа-үөлэ, көрүүтэ-харайыыта
бэйэтэ туһунан түбүк буоллаҕа, ону ол диэбэккэ Арамааннаах
Өлөксөөс барытьга ситэрэн-хоторон, дьаһанан аймахтарыгар
улахан көмө-тирэх буолбуттара. Оҕонньор 70 сааһын ааһан
баран кыра уолунаан Бааскалыын биир саас Чэриктэйгэ
убайьҥар тиийэр. Киэһэ аһыы олорон убайыгар Дьөгүөргэ
эппит: “Бу уолаттарбытыгар дьоммут олохторун көрдөрүөххэ
эрэ, бэйэлэрэ онно тиийэр ааттара суох” - диэн буолла. Дьөгүөр
онуоха: “ ол сирбит мантан түөрт көс, ырааҕа бэрт, саатар биир
аттаахпыт, уолаттар да быстан хаалаллара буолуо” диэбит.
Онуоха Арамаан: “Ээ дьэ, бу да уол тыла, кинилэр саастарыгар
киһи сылайар диэни билбэт буолара, мин даҕаны акка мэнэстэр
санаам суох”- диэн аҕа саастаах киһи быһыытынан дьаһайан
кэбиспит. Ити курдук икки аарымалар өбүгэлэрин дойдутун
оҕолоругар көрдөрөн, туох эмэ үтүө өйдөбүл хааллын диэн
билиһиннэрэр, төрөппүттэрин уонна оҕолорун ситимниир
баҕаларын толорон төннүбүттэрэ.
Роман М ихайлович биэс оҕото бары сүһүөхтэригэр бигэтик
туран дьоһун ыал буолан, оҕо-уруу тэнитэн дьоҥҥо-сэргэҕэ
сирдэрбэккэ, Арамаан оҕонньор сырдьпс аатын үйэттэн-үйэҕэ
ааттата сылдьыахтара диэн бигэ эрэллээхпин.
