Page 51 - Сахаайа Ермолаева Тымтык күн
P. 51
30. ААҔААЧЧЫБАР
Аанньал санаалаах Ааҕааччым!
Айар дьайааммар, ардыгар.
Албыны арбаан бардахпына,
Самнараары буолбатах,
Сыыһыма диэн сэмэлиигин.
Улуу Олох үчүгэйин
Унньу-санньы туойдахпына,
Күлүк түһэрээри буолбатах,
Күүс угаары бэлиэтиигин.
Кырдьыгы көнөтүк эппэккэ,
Кырааскалаан суруйдахпына,
Тууйаары-самнараары буолбатах
Тупсараары тутуһаҕын.
Көҥүл санаа, тэҥнэһии
Күөрэгэйдээх алааһыгар
Көхсүбүттэн өйүү тутан,
Күөх сэлэ суолунан сирдээн,
Көмөлөһөн дьоллуугун:
Сылааһынан сырайаҕын,
Сырдыгынан сыдьаайаҕын.
Үйэм тухары, аны да,
Үөрэтэ-сүбэлии сырыт:
Таас үрүйэ уутунуу
Талба, ыраас тылларгынан
Тахсан эрэр сырдык күннээх
Талаан көмүс хайатын
Дабааннарын дабатан ис!
4 |иказ № 385
