Page 46 - Сахаайа Ермолаева Тымтык күн
P. 46
25. КУТТАММАППЫН - КУТТАНАБЫН
Куттаммаппын —
Ордугургуур дьон аны да
Хотон мөлтөтүө диэммин.
Куттанабын —
Айар дьоҕурбун
Анаан биэрбит Аанньалым
Сыыһарбыттан кэлэйэн
Клэр хайыһыа диэммин.
Куттаммаппын —
Бириэмийэҕэ тиксибэккэ,
Ытыы-соҥуу сылдьыам диэммин.
Куттанабын —
Ааҕааччыга биһирэтэр
Айымньыны айбакка,
Харчыны эрэ эккирэтиэм диэммин.
Куттаммаппын —
Албан ааты ситиспэккэ,
Санаарҕаан, мунчааран,
Мунурданан хаалыам диэммин,
Куттанабын —
Орто дойдуттан эрдэ бараммын,
Тымтыгым хоһоон кутаата
Умуллуоҕа диэммин?!.
