Page 45 - Сахаайа Ермолаева Тыыннаах ырыа
P. 45
4.
Биһиги, иккиэн да, отчуттар эбиппит:
Ып-ыраас кумааҕы — “мечтабыт” хонуута;
Иккиэйэх харандаас — кэккэлээн кэбиспит;
Олортон биирдэрэ — эн сытыы хотууруҥ.
Оттон мин — чэлгийэ дыргыйыах тылларбын
Кыраабыл тииһинэн кырыылыы тардабын.
Суһуохтаах субуулар — строка курдуктар,
Атырдьах чөмөҕө — строфа буолаллар.
Хас биирдии хоһооммут — бугулга дьүөрэлээх,
Поэма — кээһиилээх от тэҥэ көстүүлээх.
Поэкка — айылҕа анаабыт бэлэҕэ —
Ардахха хотторбот иэйиилээх сүрэҕэ.
* * *
Чэлгийэр от сыттаах хоһоону айаары,
Дьулуһуом ардаҕы, хаары да курдары.
43
