Page 43 - Сахаайа Ермолаева Тыыннаах ырыа

2.
Уол оҕо төрүүрүн — суор үөрэн көрсүһэр,
Сойуолуур булдуттан сонуҥҥа тиксээри.
Кыыс оҕо төрүүрүн — кыптыыйа көһүтэр —
Саҥалыы муоданы кырыйан биэрээри.
“Сонуннук суруйуу, сонуннук иистэнии —
Иккиэн да өй-сүрэх уйаҕас иэйиитэ;
Уоллаах кыыс көрсүһэн уураспыт кэминии —
Итийбит имнэрин тэтэрэ кэйиитэ.

Ол кэмҥэ уус тылтан истиҥэ этиллэр,
Бастыҥа сүүһүгэр оҕуруо тиһиллэр...”
Күөн аҕам! Айымньы айыллар түгэнин
Эн миэхэ итинник быһааран кэпсиигин.
* * *
Бу сүбэн' сырдыга, үрүҥ түүн кэриэтэ,
Санаабын испиттэн сандаардар диэм этэ.

41