Page 71 - Сахаайа Ермолаева Тыыннаах ырыа

12. ШПИОНАЖ
(Уота суох сэрии)

Шпион (нем. и фр. сл.) — тайный агент, выведывающий
и собирающий важные военные, экономические, полити­
ческие и прочие секретные сведения для государства, по­
славшего и подкупившего его. Кроме того, он занимается
вредительством в различных областях общественной жиз­
ни, терроризмом, межнациональным раздором и т.п.

* * *

Тас омуктартан үспүйүөннэри ыытааһын,
Ис эйгэттэн оннуктары вербовкалааһын,
Саҥа байыаннай кистэлэҥи хомуйааһын...
Экономикаҕа — коррупциолааһын,
Баайы-дьадаҥыны үөскэтэн таһаарааһын...
Политикаҕа — норуоттары утарыта ускайдааһын...
Идеологияҕа — хоруотааһын, дезоинформациялааһын...
Духуобунаска — культураны харчыга атыылааһын,
Моральга — сиэри-майгыны сатарытааһын,
Нравственноска — өйү-санааны айгыратааһын —
Арыгылааһын, наркоманиялааһын,
сексоманиялааһын...
Бэл Интернеты иирсээҥҥэ, үөхсүүгэ кубулутааһын,
Роботтааһын, ырытар дьоҕуру самнарааһын -
Аах-маах оҥорооһун, зомбируйдааһын...
Ыччаты дьиикэй оҥорооһун, криминаллааһын...
Медицинаҕа — инфекциялааһын, вирустааһын,
Спидтээһин, сифилистээһин, бактериялааһын...
Аһы сыыйа сүһүрдэн химиялааһын;
Экологияны — дьааттааһын, радиациялааһын...
Итилэртэн да атын куорҕаллааһын —
Барыта үспүйүөннээһин, агентуралааһын...

Кини сүрүн сыала — Арассыыйаны урусхаллааһын —
Түмүгэр аан дойдуну баһылааһын —
Ол аата — планетаны глобализациялаан..

Таарычча — сахалары эһэн айбардааһын —
Сирин баайын түҥэттэн апчырыйааһын...

69