Page 10 - Неизвестное название

УБААСТАБЫЛЛААХ МУРУ НЭҺИЛИЭГИН ОЛОХТООХТОРО, БИИР ДОЙДУЛААХТАРЫМ !
Бары билэрбит курдук, 2022 сылга биһиги тапталлаах
Мүрү эбэбит аата ааттанан аан бастаан сурукка-бичиккэ киир-
битэ 355, Бороҕон улууһугар саха оҕотун үөрэхтээһип саҕа-
ламмыта 250, Саха АССР тэриллибитэ 100 сыллаах өрөгөйдөөх
үбүлүөйдэрин бэлиэтиэхпит, улууспут киинигэр Мүрүгэ Саха
сирин норуоттарын VIII спортивнай оонньуулара ыытыллыа.
Ити үтүө үбүлүөйдэри уонна кэрэ бэлиэ тэрээһини көрсө
«Мүрүйээдэ» диэн нэһилиэкпит түҥ былыргы олоҕун кэпсиир
кинигэ күн сирин көрдө. Кинигэни биллэр суруналыыс, биир
дойдулаахпыт Павел Пермяков - Тэлэкэ краевед быһыытынан
өр кэмнээх, сыралаах үлэтин түмүгүн курдук сыаналыахха сөп.
Автор ытык эбэбит былыргы сэһэннэрин, кэпсээннэрин, үһү-
йээннэрин, номохторун түмэн, элбэх архыып докумуоннарыгар
сигэнэн, араас кэмнэргэ бэчээккэ тахсыбыт суруйуулары, ах-
тыылары туһанан кинигэ сүрүн тутулун оҥорбута «Мүрүйээдэ-
ни» ураты тыынныыр. Суруналыыс өбүгэбит суолун сонордоон
уруулуу, аймахтыы омуктарбыт учуонайдарын, кыраайы чин-
чийээччилэрин илэ тиийэн көрсөн, кинилэр кэпсээннэрин, би-
лиилэрин-көрүүлэрин саха сиэрин-туомун кытта ситимнээн, ыпсаран кинигэҕэ тистэ. Ити биллэн
турар, үгүс сатабылы, элбэх билиини-көрүүнү, күнү-дьылы, сыраны-сылбаны эрэйбитэ чуолкай.
П.В.Пермяковка-Тэлэкэҕэ, инники айар үлэтигэр үрдүк ситиһиилэри, тус олоҕор дьолу-соргуну,
туйгун доруобуйаны баҕарабыт!
Мүрү нэһилиэгин: Н.С. Пестряков, Инн. Посельскай, Инн. Прудецкай, Д.С. Андросов - Сэ-
һэн, Н.Д.Бурцев, И.В.Мигалкин - Кэрэл, А.В. Мигалкин, С.С.Алексеев - Төрүт Бороҕон о.д.а.
курдук кыраайы чинчийээччилэрин, энтузиастарын, сээркээн сэһэнньиттэрин күүһүнэн Тойон
Мүрү уруккутун, аныгытын туһунан материаллары хомуйуу саҕаламмыта ыраатта. Ити эрээри
нэһилиэкпит түҥ былыргытын кэпсиир маныаха холоонноох кинигэ тахса илик. Биллэн турар,
Тойон Мүрү курдук улуу эбэ уонна былыргы Бороҕон курдук саха биир бастакы улууһун исто-
риятын барытын хабар ураты улахан үлэни эрэйэр. Кини бэйэтин эдэр чинчийээччилэрин кэлэр
кэмтэн күүтэр. Ол эрээри бу кинигэ, аныгы кэм хараҕынан көрөн историяны суруйар саҥа кэм
историктарыгар, кыраайы чинчийээччилэригэр көмөтө үгүс буолуо диэи саарбахтаабаппыт. Ону
тэҥэ оҕолорбут, сиэннэрбит төрөөбүт дойдуларын историятын билистиннэр, биллиннэр диэн па-
триотическай өйү-санааны өрө тутан бу кинигэ сурулунна. Кинигэ суруллуутугар, бэчээттэнии-
тигэр бэрт элбэх биир дойдулаахтарбыт бэйэлэрин баҕаларынан көмөлөстүлэр. Кинилэр ааттара
үтүө тылынан ахтыллан кинигэҕэ киирэн үйэтийдэ.
Кинигэ кэлэр көлүөнэ историктарыгар, кыраайы чинчийээччилэригэр туһаттан атыны
аҕалбата чахчы. Ол эбэтэр киһи аймах олорон кэлбит олоҕор, өбүгэтин уопутугар олоҕуран
сарсыҥҥытын түстүүр, кэлэр кэмҥэ эрэллээх буолар. Онон «Мүрүйээдэ» диэн, сонун аат-
таах, Мүрү Эбэ түҥ былыргы олоҕуттан билиҥҥи кэмҥэ диэри кэпсиир кинигэбит ааҕаач-
чыга Саха АССР тэриллибитэ 100 сылыгар ананан бэчээттэммитэ, үтүө бэлэх буоллун!

В. И. Аммосов, «Мүрү нэһилиэгэ» олохтоох бэйэни салайыныы тэриллиитин баһылыга.