Page 196 - Уус-Алдан 2006

бичиэнньэ шкатулкаларын көрдөрөрө. Онно мин ыйыппытым: "Ийээ, эн
эһэн туһунан тоҕо ким даҕаны кэпсээбэтий?" — диэн. Ону: "Кинини бур-
жуазнай суруйааччы диэн ааттыыллар", — эрэ диэбитэ. Үөҕэллэрин
туһунан, биллэн турар, кэпсээбэтэҕэ. Кинини өйдүөххэ сөп, бэйэтэ үйэ-
тин тухары кулаак кыыһа, Сэбиэскэй былаас 1 №-дээх өстөөҕүн сиэнэ
диэн дьаралыктаах олорон кэллэҕэ. Тоҕо диэтэххэ, кини оҕолоро, сиэн-
нэрэ эмиэ эккирэтиһиигэ түбэһиэхтэрин себе. Мин киниттэн хос эһэм,
төрүттэрим туһунан элбэҕи билиэхтээҕим хаалбыт эбит. Урут Сэбиэскэй
былаас кэмигэр норуот өстөөхтөрүттэн төрүттээхтэр кимтэн кииннээхпи-
тин, хантан хааннаахпытын кистиир кэмнэрэ этэ. Ким да ол туһунан
саҥарбата. Ол иһин биһиги Василий Васильевич да, атын да торүттэрбит
туһунан билбэт этибит.
Биһиги Дьокуускайга олорбуппут. Мин эрэ манна төрөөбүппүн. Ол
иннинэ, арааһа, Аммаҕа олорбуттар быһыылаах. Тоҕо диэтэххэ, улахан
убайым Аммаҕа төрөөбүт. Оттон эмискэ олох ыраах хоту түһэн хаалаллар.
Арааһа, эккирэтииттэн Уус-Дьааҥы улууһугар тэскилээбиттэр. Убайым
6-лаах, мин 3-тээхпин. Хос эбэбин Варвара Алексеевнаны ол үс саастаах-
пар өйдүүбүн ээ. Уонна олоҕум тухары суохтуубун, хаһан да умнубаппын.
"Эбээ Варварушка" диэн ааттыырым. Биһиэхэ наар кэлэрэ, сүрдээх үтүө
санаалаах этэ. Кини куоракка аймаҕар Петр Петровичка — Петр Алексе­
евич уолугар олороро.
Василий Васильевич кэргэнэ Варвара Алексеевна Дүпсүҥҥэ олорор
Афанасьевтар диэн биллэр аймах кыыстара этэ. Икки оҕолоохторо: уол-
лара Валериан (кини кэргэнэ Елена Ивановна Аржакова — хайа эрэ реп-
рессияламмыт Аржаков чугас аймаҕа быһыылаах этэ). Үчүгэйдик
өйдөөбөппүн эрээри, кини репрессияламмыт Аржаков реабилитациялам-
мытыгар олус үөрбүтэ, итиэннэ киниэхэ Жорницкай уулуссаҕа квартира
биэрбиттэрэ. Бэйэтэ Дүпсүнтэн төрүттээх быһыылааҕа.
СГУ-га студенткалыыр кэммэр киниэхэ сылдьарым, онуоха туту да
кэпсээбэт этэ, наар атыны кэпсэтэрбит. Ийэм кэллэҕинэ тугу эрэ сиби-
гинэһэллэрэ, кистээн кэриэтэ сылдьаллара. Валерианнаах оҕолоро суоҕа.
Аймах удьуора Василий Васильевич кыыһыттан Еленаттан салҕаммы-
та. Кинилэр биэс оҕолоохторо. Улахан кыыс Надежда Ивановна. Сааһын
тухары учууталлаабыта. Чагдаев диэн улахан дуоһунастаах киһиэхэ кэргэн
тахсыбыта. Олус үчүгэйдик олорбуттара эрээри, оҕолоро суоҕа. Кыра эр-
дэхтэринэ өлүтэлээбиттэр.
Вячеслав Иванович — кэргэнэ, оҕото суох. 1941 с. сэриигэ барбыта.
Кини туһунан Софрон Петрович Данилов олус үчүгэй ахтыыны суруйан
хаалларбыта. Ону кини Күлүмнүүр 125 сааһыгар анаммыт киэһээҕэ кэп-
сээбитэ. Итиннэ литературнай музей үлэһиттэриттэн ураты ким да кэл-
бэтэҕэ. Гуманитарнай чинчийии института научнай конференция тэри-
йиэхтээҕин оҥорботоҕо. Мин Бороҕоҥно музейга Пестряков диэн киһиэ-
хэ сурук суруйбутум. Онуоха ким да эппиэттээбэтэҕэ. Ити реабилитация
иннинэ, онон куттаммыттара буолуо.
Ол биэчэргэ Софрон Данилов кэпсээбитинэн, кини Вячеслав Афа­
насьев Күлүмнүүр сиэнэ буоларын билэр эбит. Педучилищеҕа бииргэ
үөрэммиттэр. "Ол кэмҥэ наһаа дьадаҥытык таҥнара, — диэбитэ Софрон

п * 163