Page 195 - Уус-Алдан 2006

КҮЛҮМНҮҮР ХОС СИЭНЭ АЛЬБИНА ФЕДОРОВНА:
"АЙМАХТАРБЫН АЙМААБЫТТАРА. ӨЙДҮҮ САТЫЫБЫН ДА..."
В.В. Никифоров-Күлүмнүүр өссө реабилитациялана илигинэ, А.Ф. Ни-
кифорованы-Кузакованы уонна кини кэргэнин А.И. Винокуровы кытта
билсибитим. 1992 с. Күлүмнүүр реабилитацияланарын кьпта киниэхэ
аналлаах мероприятиены Дүпсүҥнэ тэрийэргэ этии киллэрбитим.
"В.В. Никифоров туһунан билигин да сыыһа-халты санараргыт куттал-
лаах буолуо”, — диэн сэрэхэдийээччилэр бааллара. Оччолорго Дүпсүҥҥэ
совхоз директорынан үлэлиир Артур Иосифович Босиков, нэһилиэк
баһылыга Валерий Дмитриевич Васильев, специалистар Гаврил Гавриль-
евич Сивцев, Иннокентий Андреевич Алексеев өйөөбүттэрэ, ол сайын
бастаан кулуупка көрсүһүү, онтон Күлүмнүүр төрөөбүт алааһыгар Кэрэ-
ликигэ сэргэ туруоруулаах ыһыах оҥорбутгара. Альбина Федоровна до-
руобуйата мөлтөөн барбатаҕа, Кэргэнэ Артур Ильич В.В. Никифоров эл-
бэх хаартыскатын Дүпсүн музейыгар бэлэх биэрбитэ.
Ол күннэр республика үрдүнэн Күлүмнүүргэ аналлаах бастакы мероп­
риятие буолбутунан эрэ буолбакка, Дүпсүнтэн төрүттээх Дьокуускайга
олорор кырдьаҕастарбыт: кыраайы үөрэтээччи И.Г. Березкин, критик-
учуонай Н.З. Копырин, педагог-учуонай В.Ф. Афанасьев, педагог, бы-
лыргы кинигэлэри хомуйааччы В.Ф. Афанасьев, суруйааччы Н.А. Боси­
ков, Бороҕонтон Дмитрий Иванович Никифоров дойдуларыгар аан бас­
таан В.В. Никифоров-Күлүмнүүр туһунан норуот иннигэр ахтыы онор-
буттара. Бочуоттаах ыалдьыт, В.В. Никифоров докумуоннарын архыып-
тартан кимнээҕэр да элбэҕи илиитинэн устубут суруйааччы И.Е. Федосе-
ев-Доосо кэпсээнэ ураты интэриэһи тарпыта. Кини оннук үлэлээн булу-
уларын еврейка И.С. Клиорина биэриитинэн Ираила Сомовна саха са-
арыннарын туһунан хас да кинигэни суруйбута.
Билигин санаатахха, ол кулуупка түмсүбүт кырдьаҕастар үксүлэрэ
(олохтоохтор эмиэ) суох буолбуттар. Сорохтор оччолорго да айаны ыа-
рырҕатар эрээри, Дьокуускайтан күүстэрин түмүнэн тахсыбыттара. Били­
гин аҕыйах ордубуттара дойдуларыгар тахсар кыахтара суох. Альбина Фе­
доровна Артур Ильичтыын онтон ыла миэхэ олус үчүгэйдик, махталлаах-
тык сыһыаннаһан, матырыйааллары хомуйарбар көмөлөһө сатыыллар. Ол
Күлүмнүүр кистэниллибит дьыалаларын ороон, кини чаҕылхай олоҕун
сөҕүмэр үлэтин норуокка кэпсиирбитигэр туһанны аҕалар.
Мин бу Москваҕа анаан-минээн Күлүмнүүр дьыалатын ир суолун ир-
дии кэлиэм иннинэ, Альбина Федоровналаахха сылдьыбытым. Стенкала-
рыгар саамай көстүүлээх сиргэ кыраһыабай баҕайы кэмпиэт, бичиэнньэ
шкатулкалара. Күлүмнүүр үбүлүөйдэригэр оҥоһуллубут сувенирдар
ууруллубутгар.
— Ийэм Василий Васильевич Никифоров-Күлүмнүүр саамай таптал-
лаах сиэнэ эбит. Ити кини сиэнигэр хайдах кэһиилэри, бэлэхтэри аҕал-
талаабытыттан көстөр, — дии-дии Альбина Федоровна шкатулкалары
көрдөрөр. — Наһаа үчүгэйдик сыһыаннаһар эбит. Ийэм куруук саныыра,
хаһан да умнубат этэ. Василий Васильевич Москваҕа олорон, онтон
араас бэлэҕи аҕалар эбит. Биһиэхэ эбэбит кыраһыабай баҕайы кэмпиэт,
162