Page 173 - Дүпсүн сирэ

Шадрин Николай Иосифович-Ньукулаабыс
(1912-1974)
Баадьы алааска олохтоох Уоһук, Мааппа Саадырыннар диэн элбэх оҕолоох
ыалга төрөөбүтэ. «Сана тахсыы» холкуос бастакы чилиэнэ. Холкуостаах удар­
ник. Чулуу от охсооччу, кыдамаһыт, кыһынын үстүү көлөнөн фермаҕа от
тиэйэр кыайыылаах үлэһит. Намынан, Кэбээйинэн көһүргээн оттооһуҥҥа,
кыстык хотоннору, күрүөнү-хаһааны тутууга бас-көс, төһүү үлэһит этэ. «1941 —
1945 сс. Аҕа дойду Улуу сэриитигэр килбиэннээх үлэтин иһин» мэтээлинэн
наҕараадаламмыта.
Федоров Порфирий Андреевич-Бөппүү
(1894-1968)
Хайахтаах алааска олохтоох дьадан ы ыалга төрөөбүтэ. Үөрэҕэ суох. Улаатан-
ситэн баран Лена өрүс төрдүгэр Булуҥҥа киирэн Александров Иван Яковлевич
(Күүстээх Уйбаан) балыктыыр биригээдэтигэр 10-тан тахса сыл балыктаабы-
та. Онтон кэлин дойдутугар олохсуйан, холкуоһугар от-мас үлэтигэр, тутууга
үлэлээбитэ. Кыайыылаах үлэһит быһыытынан биллибитэ. Сэрии сылларыгар
1943—46 сс. үлэ фронугар ыҥырыллан, Томмот промышленнай объектарыгар
үлэҕэ сылдьыбыта.
Алексеев Николай Елисеевич-Маппараҥ
(1898-1988)
Дьүкэ алааска төрөөбүтэ. Булуҥ оройуонугар «Туус балык» иһинэн 3 сыл
балыкка сыдьыбыта. Сэрии сылларыгар үлэ фронугар ыҥырыллан, Алдан
көмүс бириискэлэригэр мае соҕотуопкатыгар үлэлээбитэ. Онтон кэлэн, Моой
үрэҕинэн, Ааллаах Үүнүнэн таһаҕас таһыытыгар сылдьыбыта. 1942—43 ее. ку-
раан дьылга, Кэбээйигэ оттуу, сүөһү кыстата көһөн үлэлии сылдьыбыта. Кэ­
лин пенсияҕа тахсан баран дьаамсыгынан, оскуолаҕа, холкуоска кочегарынан,
охраннигынан үлэлээбитэ.

Сивцева (Лыткина) Харитина Иосифовна
(1905-1974)
1 Өспөх сиригэр Уһун Күөл эҥээригэр төрөөбүтэ. Тэкиидэҕэ кийиит буо-
лан кэлбитэ. Холкуостар бастакы тэриллиилэригэр биир бастакынан «Туола»
холкуоска чилиэнинэн киирэн фермаҕа ыанньыксытынан Сивцева (Федорова)
Мария Семеновналыын үлэлээбиттэрэ. Оччолорго 10-нуу ыанар ынаҕы кытта
саҥа төрөөбүт ньирэйдэрин бииргэ илдьэ сылдьан, ынаҕы туппаҕынан буол-
бакка, ньирэйгэ эмтэрэн көрөллөрө. Харытыана кырдьыар диэри холкуоска
ыанньыксыттаабыта. Үлэтигэр үрдүк көрдөрүүлэрин иһин оччотооҕуга ылбыт
Бочуотнай грамотата баар. «1941—45 сс. Аҕа дойду Улуу сэриитигэр килбиэн­
нээх үлэтин иһин» мэтээлинэн наҕараадаламмыта.

169