Page 178 - Дүпсүн сирэ

Федоров Николай Никитич-Сомсолуку
(1908-1983)
1920—21 сс. кылгас кэмҥэ оскуолаҕа үөрэнэ сылдьыбыта. Үрүҥ баанда
сэриилэрэ кэлэннэр оскуола сабыллыбытынан үөрэҕиггэн тохтообута. 1929 с.
«Сонун олох» холкуоска биир бастакынан чилиэнинэн киирбитэ. Үлэҕэ дьулуур-
даах, кыайыылаах эдэр киһи холкуоһа бөҕөргүүрүгэр бэйэтин харыстаммакка
үлэлээбитэ. 1933 с. ударник, 1938 с. стахановец бочуоттаах ааттарын ылаттаа-
быта. Сэрии буолуор диэри холкуоһугар бэрэссэдээтэлинэн үлэлээбитэ.

Федоров Кирилл Иванович
(1877-1965)
Отутус сылларга стахановец аатын ылбыта. Сэрии сылларыгар, төһө да
сааһырдар кыһын сылгыһытынан, сайын от-бурдук үлэтигэр, сир тиэрээч-
чинэн, сеялкаһытынан эдэрдэртэн хаалсыбакка үлэлээбитэ. Сылга 500—600
көлөһүн күнүн аахсара. «1941 — 1945 сс. Аҕа дойду Улуу сэриитигэр килбиэннэ-
эх үлэтин иһин» мэтээлинэн наҕараадаламмыта.
Рожин Константин Митрофанович-Тоорохой
(1910-1989)
Оҥхой алааска олорбут Кырбас Миитэрэпээн дьиэ кэргэнигэр бүтэһик
оҕонон төрөөбүтэ. Аҕата советскай тутул олохтонуон эрэ иннинэ кулубалыы
сылдьыбыта диэн кэпсииллэрэ. Сэрии иннинэ ветеринарнай санитардары бэ-
лэмниир курска үөрэнэн, холкуоһугар сүөһү эмчитинэн ананан үлэлээбитэ.
1942 сыллаахха армияҕа ыҥырыллан тиийэн, Чита уобалаһыгар үлэҕэ сылдьы­
быта, II группалаах инбэлиит буолан эргиллэн кэлиэҕиттэн өр сыл идэтинэн,
кэлин оскуолаҕа кочегарынан үлэлээн пенсияҕа тахсыбыта.
Федорова Екатерина Герасимовна
1929 с. «Сонун олох» холкуоска киирбитэ. Түөрт уонтан тахса сыл фермаҕа
ыанньыксытынан, эдэрдэргэ наставнигынан үлэлээбитэ. 1935 с. ударник аатын
ылбыта. Сэрии сылларыгар үүтү ыаһыҥҥа 1000 литрдээх кирбиини ылбыта,
ньирэйи тыыннаахтыы иитиигэ үрдүк көрдөрүүнү ситиспитэ.
Сэрии кэнниттэн ыанньыксытынан үлэлээбит кэмнэригэр уһун сыллар­
га элбэх ыччаты, уолаттары, кыргыттары ыанньыксыт идэтигэр үөрэппитэ,
уһуйбута. Ильин М.З., Сивцев С.И., Пермяков Н.Д., Тимофеев Влас, Сив­
цев П.В., Стрекаловская Е.Д. курдук үүтү ыаһыҥҥа үрдүк көрдөрүүнү ситис-
пит үлэ дьиҥнээх маастардарын иитэн таһаартаабыта. Кэтириис киэҥ-холку,
чиэһинэй, дьоҥҥо-сэргэҕэ эйэҕэс майгылааҕа, илиитин үлэттэн араарбатах
үтүөкэн киһи этэ.

Фомина Вера Егоровна
1929 с. «Сонун олох» холкуоска киирбитэ. Эдэригэр илии хотуурунан эр да
дьону иннигэр түһэрбэтэх хоһуун охсооччу. «Көрдүгэн» холкуоска 13 киһилээх
174