Page 176 - Дүпсүн сирэ

бөдөҥсүйбүт холкуос буолбуттара. Дьөгүөр биригэдьииринэн талыллан үлэлээн
иһэн сэрии буолаатын кытта фроҥҥа аттаммыта. Үөрэҕэ суохтары улаханнык
үөрэтэ барбакка, арҕаа сэрии кутаатыгар аһаран иһэллэрэ. Дьөгүөр Москва
куорат көмүскэлигэр сэриилэһэ сылдьан атаҕар бааһыран, эмтэммитэ, 1943 с.
кыһыныгар дойдутугар эргиллибитэ. Оччолорго сэрии кыттыылаахтарын ту-
һунан сурукка бэлиэтээһин саҕалана илик буолан, кини туһунан ханнык
да даннайдар суохтар. Дьөгүөр аармыйаттан кэлээт, күүһүн харыстаммакка
биригэдьииринэн үлэлээбитинэн барбыта. Сылгыга ураты дьоҕурдаах буо­
лан, оччотооҕу техникаҕа көлүллэр айаас аттары кини эрэ сыһытара. Сайын
косилкаһытынан үлэлиирэ. Иккис косилкаһытынан бэйэтин кытта көлөҕө
дьоҕурдаах Тайыка Ааната-Федорова Анна Дмитриевнаны үлэлэтэр буолара.
Оскуола кыстык маһын бэлэмнээһиҥҥэ улахан субботниктар буолар эти-
лэр. Олорго Дьөгүөр улахан хаһаайыстыбынньык буолан, 60 оҕус, ат көлөҕө
сыарҕаларын, быаларын-туһахтарын, тэриллэрин бэлэмнээн дьонун көхтөөхтүк
кытыннарара. Олус күрэхтээх, былдьаһыктаах үлэҕэ биригээдэ мэлдьи бастыы-
ра, кыһыл былаах кинилэргэ тиксэрэ.
Сылгыны баайыыга, ат спордун сайыннарыыга, тэрийиигэ улахан
болҕомтотун уурара. Оройуонҥа, республикаҕа ат сүүрдүүтүгэр мэлдьи
сылдьыһара, аты стартан ыытыыга бэйэтинэн кыттара.
Уһулуччу тэрийэр дьоҕурдаах салайааччыны дьоно сүрдээҕин сөбүлүүллэрэ,
тылын мэлдьи ылыналлара.
Василий Ф едорович Сивцев
Мүру саһарҕата. — 2003. — Ахсынньы 20 к.

«Сонун олох» холкуос
Сири кыттыһан оҥорор «Эйэлээхтэр» табаарыстыба тэриллиитэ — 1927 сыл.
«Сонун Олох» холкуос тэриллиитэ — 1929 сыл.
Алаас ахсаана — 35
Ходуһа сирэ — 6 8 6 гектар
Мэччирэҥэ — 180 га
Бааһыната — 110 га
Хаһаайыстыбата — 38
Дууһата — 136
Ынах сүөһүтэ — 241 төбө, ол иһигэр ыанар ынаҕа 62 төбө
Сылгыта — 99 төбө, ол иһигэр биэтэ 25 төбө
Ат көлө — 20 төбө
Оҕус көлө — 19 төбө
Техниката — 17 булуук, 26 сеялка уонна барана, 4 от охсор массыына, от
мунньар бмассыына, 1 көлө тардар миэлиҥсэ
1951 сыллаахха бөдөҥсүйбүт «Карл Маркс» холкуоска биир санаанан хол-
боспуттара.

172