Page 228 - Дүпсүн сирэ

стрелковай дивизиятыгар хайыы-үйэ капитан званиеламмыт Яков Миронович
Сивцев пулеметнай ротаны хамаандалыыра.
Арай биирдэ, Добеле куорат анныгар кыргыһыы үгэннээн турдаҕына, сүрүи
туһаайыыга самнарыылаах уоту аһан өстөөх атаакаларын чугуруппут. Пуле­
мет эмискэ ах барбыт. Өстөөх онтон эр ылан, эмиэ кимэн киирэн испитэ.
Маҥнайгы нүөмэр өлөрдүү бааһырбыта, иккиһэ өлбүт киһитин сыҕарытан ба­
ран, пулеметын кытта бодьуустаһа сыттаҕына, командир Сивцев сүүрэн кэлэн,
«Максим» тутааҕын харбаан ылбыт уонна 50-ча метргэ кэлбит фашистары уот
ардаҕынан тибиирдибит. Аҥаардас бу түбэлтэҕэ кини өстөөх 60 саллаатын кы-
дыйбыт, оттон бэйэтэ ыараханнык бааһырбыт. Ити хорсун быһыытын иһин
кини Аҕа дойду Сэриитин I степеннээх уордьанынан наҕараадаламмыта.
Өстөөҕү бэйэтин арҕаҕар үлтүрүтүһэн, алта төгүл бааһыран, бататьон ха-
мандыырын солбуйааччытынан өрө таһаарыллан, сулууспалыы сылдьан, 1945
сыллаахха атырдьах ыйыгар демобилизацияламмыта.
Сэрииттэн Кыһыл Знамя, Кыһыл Сулус уонна Аҕа дойду Сэриитин I степенэ
уордьаннардаах, элбэх бойобуой мэтээллэрдээх дойдутугар эргиллибитэ. 1945
сыллаах Кыайыы ыһыаҕар төрөөбүт-үөскээбит Дүпсүнүгэр тахса сылдьыбыта.
Ити сыл балаҕан ыйыгар Японияны кыайыыны бэлиэтиир бырааһынньыкка
республика радиотынан тыл эппитэ. Яков Миронович Сивцев Эдьигээн оро-
йуонугар олохсуйан, кэргэннэнэн, оҕолонон олорон 1956 сыллаахха өлбүтэ.

Гвардия лей тен ан а П рудец к ай К онстан тин Кузьмич
Прудецкай Константин Кузьмич 1916 с. I Өспөх Бугуйас аҕатын ууһугар
Хоҥор биэ алаас булуҥар дьадаҥы ыалга төрөөбүтэ. 1935—1936 сылларга
Дүпсүн оскуолатын 7 кылааһын бүтэрэн, «Хоҥор биэ» холкуос производство-
тыгар үлэлии сылдьыбыта, үөрэҕэ суохтары үөрэтэр киэһээҥҥи оскуолаҕа
учууталынан үлэлээбитэ. 1938—1939 сылларга оройуон үбүн салаатыгар ин-
спекторынан, сэрии эрэ иннинэ нэһилиэк Советын секретарынан үлэлээбитэ.
1941 сыллаахха ыҥырыллыбыта. Читаҕа уонна Антипиха станцияҕа байыаннай
үөрэҕин кэнниттэн 1942 сыллаахха Арҕааҥҥы фроҥҥа тиийбитэ. 5 ыйдаах курс
кэнниттэн II Прибалтийскай фронт 22-с армиятын, 115-с строевой дивизия-
тын 576-с полкатыгар взвод хамандыырынан ананан, Латвия сиригэр гвардия
лейтенанынан бэйэтин бойобуой суолун саҕалаабыта. Сатабыллаах бойобуой
хамандыыр бөдөҥ кыргыһыыларга саллааттары бэйэтинэн көҕүлээн, килбиэн-
нээх кыайыылары ситиспитин иһин Кыһыл Сулус, Аҕа дойду Сэриитин II сте­
пеннээх уордьаннарынан, мэтээллэринэн наҕараадаламмыта. 1944 сыл балаҕан
ыйыттан 43-с гвардейскай Латышскай дивизия, 121-с полкатыгар сэриилэһэ
сылдьан, Озоли сэлиэнньэ иһин хаан тохтуулаах улахан кыргыһыыга герой-
дуу өлбүтэ. Кини көмүс уҥуоҕа Латвийскай ССР Модонскай уеһын Колнобас
уобалаһыгар Пульти хуторыгар тутуллубута.
Бойобуой хамандыыр ийэтигэр ыыппыт уонтан тахса суруктара бииргэ
төрөөбүт балтытыгар харалла сыталлар. Суруктартан көстөрүнэн буойун 5 төгүл
бааһыран, ол аайы госпиталга эмтэнэн, үтүөрэн сэриигэ киирэн испит.
Лейтенант К.К. Прудецкай бюһун оҥотторон, балта оскуолаҕа бэлэхтээбитэ.
224