Page 232 - Дүпсүн сирэ

лорорго туе бэйэтин холобурунан саллааттары уонна младшай хамандыырдары
көҕүлээбитэ» диэн биир политдонесениеҕа биһиги биир дойдулаахпыт Гаврил
Гаврильевич Рожин туһунан этиллибит.
«Саха сирэ Аҕа дойду сэриитин сылларыгар (1941 — 1945 сс.)» диэн кинигэҕэ
Чэриктэй нэһилиэгэр, 1928—30 сыллардаахха, советскай тутул бөҕөргөөһүнүн
иһин актыыбынайдык кыттыбыт, олохтоох сельскэй Совет секретарынан
үлэлээбит, кооперативнай техникуму бүтэрэн баран, «Якутрыбтрест» кадр-
га отделын начальнигынан, Булуҥ оройуонунааҕы «Туус балык» треһин ди-
ректорынан үлэлээбит, салайар үлэҕэ уопуттаах Гаврил Гаврильевич Рожин
фроннааҕы хорсун сырыылара киэҥник киллэриллибит.
Г.Г.Рожин 1940 сылтан ССКП чилиэнигэр ылыллан, Аҕа дойду сэриити-
гэр ыҥырыллар кэмигэр, хайыы-үйэ политическай буһууну-хатыыны ааспыт,
дьону-сэргэни улахан соруктарга түмэ тардар дьоҕурдаах салайааччы этэ.
Кини сэрии иннинэ бэйэтин оройуонугар баһаарынай инспекторынан, пром­
комбинат директорынан үлэлээбитэ. Г.Г.Рожин 1942 сыл күһүнүттэн Чита
уобалаһыгар, онтон Ивановскай уобалас байыаннай чааһыгар сулууспалаабы-
та. Советскай Армия Киин архивын фондатыттан ылыллыбыт докумуоннартан
көстөрүнэн (ССРС ОМКА Ф-33, 690155, д.851, л-352) Г.Г.Рожин (Уус Алдан
оройуона, Дүпсүн) гвардейскай стрелковай полкаҕа рота парторунан сылдьан
хорсуннук сэриилэспитэ этиллэр. Кини 1944 сыл кулун тутар 8—10 күннэригэр
өстөөххө кимэн киирии кырыктаах, хаан тохтуулаах сэриитигэр хорсуннук сэ-
риилэспит.
«1944 сыл кулун тутар ый 11 күнэ үүнэр түүнүгэр сержант Рожин Соломир-
ка сэлиэнньэтин оройуонугар Буг өрүһү биир бастакынан туораан, күүстээх
уоту аһан, рота бүтүннүү өрүһү туоруурун хааччыйбыта. Рожин салалтатынан
өрүс уҥа биэрэгэр аан маҥнайгынан туораабыт кыһыл байыастарын бөлөҕө
өстөөх атаакаҕа хаста да киирбитин суоһарыылаах уотунан самнаран чугуппу-
та, маныаха кини 2 0 -тэн тахса гитлеровецтары суох онорбута».
Г.Г.Рожин бу дьыл муус устар 4 күнүгэр Львов куораты босхолооһун иһин
хаан тохтуулаах кыргыһыыга төбөтүгэр уонна илиитигэр баас ылан, бойобуой
кэккэттэн туораабыта. Рота партора, хорсун сэрииһит, Албан Аат III степеннэ-
эх уордьанын кавалера Г.Г.Рожин ыараханнык бааһыран, сылы быһа байыан­
най госпиталларынан эмтэнэ сытан, Львов куораты босхолооһунҥа туе бэйэ-
тэ көрдөрбүт хорсун быһыытын иһин Албан Аат II степеннээх уордьанынан
наҕараадаҕа түһэриллибитин туһунан бойобуой доҕотторо фронтан суруйбут
суруктарыттан истэр. Сэрии инбэлиитэ буолан, инники кирбиигэ эргиллибэ-
тэх буойуну ити наҕараада булбатаҕа.
Эйэлээх тутууга иккистээн эргиллибит, эрэйи-муну энээринэн тыыран,
Ийэ дойдутун туруулаһан көмүскэспит төлөннөөх патриот, буойун-коммунист
Г.Г.Рожин оройуон орто сүһүөх хаһаайыстыбаннай үлэҕэ уопуттаах кадр
быһыытынан эппиэттээх, партийнай номенклатураҕа туруоруллубута.
1947—49 сыллардаахха оройуоннааҕы промкомбинат директорынан, 1949—
1954 сыллардаахха рыбучаастак завпромун солбуйааччытынан, кэлин 1958
сыллаахха сэриигэ ылбыт ыарахан бааһырыытын содулуттан хараҕынан көрбөт
228