Page 366 - Дүпсүн сирэ

харбыыра, от кэбиһиитигэр оҕус иччитэ буолан көмөлөһөрө. Ардыгар ийэтигэр
бугул тардыһара, уот отторго анаан тыаттан амынньыкы хомуйара. Сэрии-сут
кэмнэригэр эдьиийдэрэ, сибээс үлэһитэ Евдокия Ивановна Сидорова кэлэн,
күүһү холбоон бииргэ олорбуттара. «Эдьиийбит бииргэ олорсубатаҕа буоллар,
бары хоргуйан өлүө этибит», — диэн убайа Ньукулай ахтара.
Василий 1957 сыллаахха Дүпсүн сэттэ кылаастаах оскуолатын бүтэрээт,
«Уолаттар фермаҕа» диэн девиһинэн комсомол ын ырыытынан Дабаадымаҕа
тоҕус уол буолан ыанньыксытынан, ньирэй көрөөччүнэн үлэлии тахсыбытта-
ра. Ити кэмн э комсомоллар уонна ыччаттар үлэҕэ-хамнаска субуотунньуктар-
га сүрдээх көхтөөхтүк кытталлара. Онно Василий комсомол группатын секре-
тарынан үлэлээбитэ. Салгыы «Октябрь» холкуос бырабылыанньата Дабаадыма
биригээдэтигэр биригэдьииринэн анаабыта. Дьэ, ити курдук 25 саастааҕар
холкуостаахтары салайар сүрдээх эппиэттээх үлэҕэ анаммыта. Ити сылтан
ыла дьону салайан төһө күүһэ-кыаҕа тиийэринэн, биригээдэ специалистарын,
дьоннорун кытта государство биэрбит былаанын, эбэһээтэлистибэтин толоруу-
га биир сүбэнэн үлэлээбиттэрэ. Кини салайбыт биригээдэтэ социалистическай
куоталаһыыга өрүү инники кирбиигэ сылдьыбыта. Нэһилиэккэ сельсовет де-
путатынан 4 төгүл быыбарданан нэһилиэнньэ ортотугар депутат быһыытынан
общественнай-хаһаайыстыбаннай үлэлэргэ актыыбынайдык кыттара.
1993 сыллаахха «Дүпсүн» совхоз ыһыллыытыгар Василий Макарович кэр-
гэниниин Анна Николаевналыын, оҕолорунуун «Дабаадыма» диэн бааһынай
хаһаайыстыбаны тэриммиттэрэ, ол хаһаайыстыбаны Василий Макарович уон-
ча сыл салайан кэлбитэ. Былырыыҥҥыттан ыла бу хаһаайыстыбаны уола Дми­
трий салайан үлэлэтэр.
Анна Петровна Андреева, журналист
Саха сирэ. — 2004. — Анпынньы 21 к.

Туруук үлэһит дьиэ кэргэн
Свешниковтар дьиэ кэргэн аҕа баһылыктара Михаил Петрович былыргы
саха оҕотун сиэринэн адьас кыра эрдэҕиттэн тыа киһитэ үлэлиирин бары-
тын сатыыр, кыайар- хотор буола улааппыта. 1931 сыллаахха «Күөх Көрдүгэн»
холкуоска киириэҕиттэн ыла бөдөҥсүйбүт «Карл Маркс», «Ленин», «Октябрь»
холкуостар туруу үлэһиттэрэ буолбута. Кыһын фермаларга икки оҕуһунан
күҥҥэ иккитэ-үстэ кырынан от тиэйэрэ, сайынын түөрт оҕус таһаарар отун
кэбиһэрэ. Ол быыһыгар биригээдэ араас суһал наадалаах үлэлэрэ кинитэ суох
толоруллубаттара. Ол курдук аатырбыт Ааллаах Үүн көмүстээх бириискэлэри-
гэр таһаҕаһы таһыыга сылдьыбыта. Таһаҕаһы таһыыга оройуон холкуостары-
нан сыыппара түһэрэрэ. Айанньыттарынан холкуос хоһуун, ыраах айаны ту-
луйар кыахтаах-күүстээх, ханнык да ыарахаттартан чаҕыйбат дьону сүүмэрдээн
ыытара. Михаил Петрович чахчы бу этиллибиккэ эппиэттиир киһи буолан,
5-тии аттаах Ааллаах Үүҥҥэ 5-тэ таһаҕас таһыытыгар сылдьыбыт. Дүпсүнтэн
Ааллаах Үүҥҥэ диэри 600-тэн тахса биэрэстэ сир. Сэтинньи ый санатыттан
дойдуларыттан айаҥҥа туран баран муус устар ый ортотугар төннөллөрө. Ол
сындылҕаннаах, тоҥуулаах-хатыылаах, элбэх моһоллордоох, кутталлаах айаны,
330